ბოლო 24 საათის განმავლობაში მიმდინარეობდა განხილვები, დაესწრებოდა თუ არა უკრაინის პრეზიდენტი G7-ის სამიტს.

რატომ არის მნიშვნელოვანი: ვარაუდობენ, რომ უკრაინის პრეზიდენტის დიდი შვიდეულის სამიტზე ყოფნა გააძლიერებს უკრაინის მხარდაჭერას გარდაუვალი კონტრშეტევის დაწყების წინ.

  • წინასწარი ინფორმაციით, G7-ზე რუსეთის წინააღმდეგ ახალი სანქციები გაჟღერდება და შემუშავდება თანამშრომლობის გეგმა ჩინეთის მზარდი გავლენის წინააღმდეგ საბრძოლველად.
  • მანამდე, გავრცელებული ცნობით, უკრაინის პრეზიდენტი კიევიდან, ონლაინ აპირებდა სამიტზე დასწრებას.
  • უკრაინაში რუსეთის შეჭრი შემდეგ, ეს ზელენსკის პირველი ვიზიტია იაპონიაში.
  • ზელენსკი ჰიროსიმაში დიდი შვიდეულის სამიტზე საფრანგეთის სამთავრობო თვითმფრინავით ჩავიდა.

დეტალები: პრეზიდენტი წერს, რომ იაპონია, G7 — მნიშვნელოვანი შეხვედრებია უკრაინის პარტნიორებსა და მეგობრებთან.

  • "უსაფრთხოება და გაძლიერებული თანამშრომლობა ჩვენი გამარჯვებისთვის — მშვიდობა დღეს კიდევ უფრო მოახლოვდება", — ამბობს ზელენსკი.
  • შეხვედრის ადგილი ჰიროშიმაა — იაპონიის პრემიერ მინისტრმა, ფუმიო კიშიდამ, თქვა, რომ მან ჰიროშიმა აირჩია, რათა ყურადღება გაამახვილოს შეიარაღების კონტროლზე.
  • ჰიროშიმა და ნაგასაკი, აშშ-ს ბირთვული თავდასხმების შედეგად 78 წლის წინ განადგურდა.
  • რუსეთმა განაცხადა, რომ მზად არის გამოიყენოს თავისი ბირთვული არსენალი საჭიროების შემთხვევაში თავისი "ტერიტორიული მთლიანობის" დასაცავად.