დღეიდან "საქართველოს კონსტიტუციაში ცვლილების შეტანის შესახებ" საქართველოს კონსტიტუციური კანონის ამოქმედებამდე, უცხო მოქალაქეებისთვის სამეურნეო მიწებზე საკუთრების უფლების მოპოვებაზე მორატორიუმი გამოცხადდა.

მორატორიუმის მოქმედების პერიოდში ისინი სასოფლო-სამეურნეო დანიშნულების მიწის საკუთრების უფლებას ვერ დაარეგისტრირებენ, ხოლო თუ უცხო ქვეყნის მოქალაქე უკვე ფლობს სასოფლო-სამეურნეო დანიშნულების მიწას, მორატორიუმი მასზე არ გავრცელდება და მიწა მის საკუთრებაში დარჩება.

იუსტიციის სამინისტროს განცხადებით, მორატორიუმი ძალაში იქნება, საქართველოს კონსტიტუციური კანონის ამოქმედებამდე.

სასოფლო-სამეურნეო დანიშნულების მიწაზე საკუთრების უფლების მოპოვება შეეზღუდებათ:

  • საზღვარგარეთ რეგისტრირებულ იურიდიულ პირებს;
  • უცხოელის მიერ საქართველოში რეგისტრირებულ იურიდიულ პირებს.