მეთოდოლოგია: CRRC-ის ინფორმაციით, მოსახლეობის გამოკითხვა Zinc Network-ის დაკვეთით 2023 წლის 11 იანვრიდან 8 თებერვლის ჩათვლით პერიოდში ქართულ, სომხურ და აზერბაიჯანულ ენებზე ჩატარდა.

  • ჯამში პირისპირ გამოიკითხა 2 757 რესპონდენტი. გამოკითხვის შედეგები წარმომადგენლობითია მთელი საქართველოსი, ოკუპირებული ტერიტორიების გარდა.
    მათივე ცნობით, ცდომილების ზღვარი +-2.4%-ია.
  • გარდა ამისა, 10-14 მარტს ჩატარდა დამატებით 1 048 სატელეფონო ინტერვიუ. ამ შემთხვევაში ცდომილების ზღვარი +-2,6%-ს შეადგენს.
  • კვლევა საზოგადოების მიერ საინფორმაციო წყაროების მოხმარებას, პროპაგანდისტული გზავნილებისადმი დამოკიდებულებას, საქართველოს ევროკავშირსა და NATO-ში ინტეგრაციას, რუსეთის უკრაინაში შეჭრას და ქვეყნის დემოკრატიულ განვითარებასთან დაკავშირებულ საკითხებს შეეხება.

რატომ არის მნიშვნელოვანი: მას შემდეგ, რაც რუსეთი უკრაინაში შეიჭრა, რუსეთის მოქალაქეებმა დატოვეს ქვეყანა და სხვადასხვა სახელმწიფოებში წავიდნენ, მათ შორის საქართველოშიც.

  • გამოკითხულთა უმრავლესობა რუსეთიდან გაზრდილ იმიგრაციას საფრთხედ მიიჩნევს.
  • შეკითხვაზე რუსეთის მოქალაქეების იმიგრაცია საქართველოსთვის საფრთხეს წარმოადგენს თუ არა საფრთხეს, უმრავლესობა დადებითად პასუხობს.
  • 33% — ვეთანხმები; 18% — სრულად ვეთანხმები, 17% — ნეიტრალური ვარ, 20% — არ ვეთანხმები, 4% — საერთოდ არ ვეთანხმები, 8% — არ ვიცი/ უარი პასუხზე.