რატომ არის მნიშვნელოვანი: ბოლო რამდენიმე თვის განმავლობაში ვაგნერის ხელმძღვანელი, ევგენი პრიგოჟინი ღიად უპირისპირდებოდა რუსეთის თავდაცვის სამინისტროს — ადანაშაულებდა სამხედრო ხელმძღვანელობას მისი დაქირავებულებისთვის ჭურვების გადაზიდვის მიზანმიმართულად ხელშეშლაში.

  • ერთ-ერთ ინტერვიუში პრიგოჟნმა თქვა, რომ თავდაცვის მინისტრს სერგეი შოიგუს იარაღის მიწოდებაზე ულტიმატუმის წერილი მისწერა და დრო 28 აპრილამდე მისცა.
  • აპრილის ბოლოს პრიგოჟინი ამბობდა, რომ თუ საბრძოლო მასალის დეფიციტს არ შეავსებენ, იძულებულები გახდებიან, დატოვონ ბახმუტი.
  • მაისის დასაწყისში კი მან 2 ვიდეომიმართვა გაავრცელა — ერთში შოიგუს და რუს ბიუროკრატებს აგინა, მეორეში კი დაიმუქრა, რომ 10 მაისს ბახმუტს დატოვებენ.

გამწარებული პრიგოჟინი: ერთ-ერთ ვიდეოში ის გვამების ფონზე ჩანს და ყვირის, რომ საბრძოლო მასალის 70%-იანი დეფიციტი აქვთ.

  • "ახლა მომისმინეთ, ბო*ებო, ესენი ვიღაცის მამები არიან და ვიღაცის შვილები, *****. და ის ნაძირლები, რომლებიც არ გვაძლევენ საბრძოლო მასალას, ბო*ები, ჯოჯოხეთში მოხვდებიან, მათ შიგნეულობას შეჭამენ", — იგინება პრიგოჟინი.
  • იქვე ამბობს, რომ ეს მებრძოლები ნებაყოფლობით წავიდნენ ფრონტზე და დაიღუპნენ, სანამ შოიგუ და სხვა მაღალი თანამდებობის პირები "წითელი ხით მოწყობილ კაბინეტებში სივდებოდნენ".
  • "შოიგუ, გერასიმოვ, სად არის ბო*ო საბრძოლო იარაღი? შეხედეთ ამას, ბო*ებო", — ყვირის ის.
  • მეორე ვიდეოში კი ამტკიცებს, რომ ბახმუტში მხოლოდ 2 კილომეტრი დარჩა ასაღები და ამას იმიტომ ვერ ახერხებენ, რომ რუსეთის თავდაცვის სამინისტროს მათი შურს.

შოიგუს პასუხი: რუსეთის თავდაცვის მინისტრი პრიგოჟინს პირდაპირ არ გამოხმაურებია, თუმცა მისი ბოლო გადაწყვეტილება არამხოლოდ დროში, არამედ შინაარსობრივადაც ძალიან ემთხვევა ვაგნერის ხელმძღვანელის მოთხოვნას.

  • რუსეთის თავდაცვის სამინისტრომ იტყობინება, რომ სერგეი შოიგუ ეწვია სამხრეთ სამხედრო ოლქს, სადაც თავის მოადგილეს, ალექსეი კუზმენკოვს დაავალა "განსაკუთრებული კონტროლის ქვეშ აეყვანა სპეციალური სამხედრო ოპერაციის რაიონებში ჯარების უწყვეტი და რიტმული მიწოდების საკითხები ყველა საჭირო შეიარაღებით და სამხედრო ტექნიკით".