ინფორმაციას პროკურატურა ავრცელებს.

რატომ არის მნიშვნელოვანი: უწყების ცნობით, 22 აპრილს ალკოჰოლის ზემოქმედების ქვეშ მყოფმა ბრალდებულმა თბილისში, მისსავე ნაქირავებ ბინაში ცივი იარაღით სასიკვდილო ჭრილობები მიაყენა 1989 წელს დაბადებულ პირს, რის შემდეგაც შემთხვევის ადგილიდან მიიმალა.

  • გამოძიების ვერსიით, დანაშაულს შეესწრო კიდევ ერთი პირი, თუმცა პოლიციას მომხდარზე არ შეატყობინა.

დეტალები: გამოძიება სსკ-ის 108-ე მუხლით და 376-ე მუხლის მე-2 ნაწილით მიმდინარეობს, რაც განზრახ მკვლელობას და განსაკუთრებით მძიმე დანაშაულის შეუტყობინებლობას გულისხმობს.

  • დაკავებულებს 15 წლამდე პატიმრობა ემუქრებათ.
  • ორივე ბრალდებული წარსულში ნასამართლევია.