რატომ არის მნიშვნელოვანი: რუსეთის საოკუპაციო ძალებმა ოკუპირებულ სოფელ ზემო არცევის მიმდებარე ტერიტორიაზე უკანონოდ საქართველოს მოქალაქე გიორგი ჯარმელიშვილი რამდენიმე დღის წინ უკანონოდ დააკავეს.

  • საოკუპაციო რეჟიმი როგორც აფხაზეთის, ისე ცხინვალის რეგიონის ტერიტორიების მიმდებარედ საქართველოს მოქალაქეებს იტაცებს ან უკანონოდ აპატიმრებს.
  • ოკუპირებულ რეგიონებში ციხეებში ხშირად ირღვევა ადამიანის უფლებები.

დეტალები: დიმიტრი მამაგულაშვილის გათავისუფლების შესახებ ინფორმაციას სახელმწიფო უსაფრთხოების სამსახური ავრცელებს.

  • სუს-ის განცხადებით, ის საოკუპაციო რეჟიმმა 17 აპრილს ქარელის მუნიციპალიტეტის სოფელ დვანის მიმდებარედ უკანონოდ დააკავა.
  • "საქართველოს ოკუპირებულ რეგიონებსა და საოკუპაციო ხაზის გასწვრივ განხორციელებულ ყველა დესტრუქციულ ქმედებაზე პასუხისმგებლობა ეკისრება საოკუპაციო ძალას";
  • "ცენტრალური ხელისუფლება, საერთაშორისო პარტნიორებთან ერთად განაგრძობს აქტიურ მუშაობას, ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად", — ვკითხულობთ სუს-ის განცხადებაში.