აშშ-ს იუსტიციის დეპარტამენტმა საიდუმლო სადაზვერვო მასალების გაჟონვასთან დაკავშირებით ჯეკ დუგლას ტეიშეირა დააკავა. იგი მასაჩუსეტსის საჰაერო ეროვნული გვარდიის წევრია.

რატომ არის მნიშვნელოვანი: გენერალურმა პროკურორმა, მერიკ გარლანდმა განაცხადა, რომ ტეშეირა დააკავეს თავდაცვის საიდუმლო ინფორმაციის სავარაუდო "არასანქცირებულ ამოღებასთან, შენახვასთან და გადაცემასთან" დაკავშირებით.

  • პენტაგონის ბრიფინგზე გენერალმა პეტ რაიდერმა თქვა, რომ გაჟონვა იყო "განზრახ დანაშაულებრივი ქმედება" და საიდუმლო მასალების დამუშავების მარეგულირებელი პროტოკოლების დარღვევა.

დეტალები: საქმის გენერალური პროკურორის, გარლანდის თქმით, ტეიშეირა აშშ-ის რაიონულ სასამართლოში, მასაჩუსეტსის შტატში წარდგება.

  • უცნობია, როდის გაიმართება სასამართლო სხდომა.

რა მოხდა: გაჟონილი საიდუმლო დოკუმენტების პირველი სკრინშოტი პირველ მარტს Discord-ზე გამოქვეყნდა, სოციალური მედიის პლატფორმაზე, რომელიც პოპულარულია მოთამაშეებში.

  • შემდეგ ისინი გაზიარდა რამდენიმე სადისკუსიო არხზე.
  • დოკუმენტები Discord-ზე მეტწილად შეუმჩნეველი რჩებოდა, სანამ აპრილის დასაწყისში სხვა სოციალურ პლატფორმებზე არ გავრცელდა და აშშ-ის ოფიციალურმა პირებმა მათი ნაწილის ავთენტურობა არ დაადასტურეს.
  • დოკუმენტების გავრცელებამ მსოფლიო დიპლომატიური სკანდალი გამოიწვია.