ხაბეიშვილი: კეზერაშვილზე რომ ვლაპარაკობთ, მთელი დღე რომ დავკარგეთ, კეზერაშვილი ჭამოს ხალხმა?

13 Apr. 2023, 00:49

თუ სადმე რამე იქნება, პირობითად ვამბობ და რაიმე საქმე აღიძვრება, საქართველოს ფარგლებს გარეთ ვიძახი, იქ მურუსიძეები არ არიან და პოლიტიზებული სასამართლო და პროკურატურა არ არსებობს. ამიტომ, დარწმუნებული ვარ, კეზერაშვილი ამაზე პასუხებს გასცემს. ოღონდ, მე მარტივ რამეს ვკითხულობ, მთელი დღე რომ გვაქვს ისტერიკა, ან რაღაცა თემები რომ გადაიფარა და აღარავის აღარ ახსოვს...

აი, დავით კეზერაშვილზე რომ ვლაპარაკობთ დღეს, მთელი დღე რომ დავკარგეთ კეზერაშვილზე, ხვალაც რომ დავკარგავთ, ორი დღის მერეც, კეზერაშვილი ჭამოს ხალხმა? მართლა მაინტერესებს გულწრფელად, ანუ გელათი აღარ დაინგრევა? ეს საკითხები აღარ გვაინტერესებს? სასამართლოში კლანი აღარ არის?

ეს არის თემიდან თემაზე ყურადღების გადატანა და ამის გამოყენების მცდელობაა. ქვეყანაში ჩვენ გვაქვს ბევრად მეტი პრობლემები, ვიდრე კეზერაშვილზე ვლაპარაკობთ 10 წელია და კაცს საქართველოში ფეხი არ დაუდგამს...

საქართველოში რატომ შეიძლება ეს საინტერესო იყოს, დათო მიხედავს თავის თავს... ხელფასი მოემატება ხალხს დათოზე რომ ვილაპარაკებთ? კომუნალური გადასახადები გაიაფდება? კანდიდატის სტატუს მოგვცემენ? მოსამართლეთა კლანი აღარ გვყავს? რიკოთზე, გზაზე რომ მოქაფეს ყველაფერი და ადამიანების სიცოცხლეს რომ საფრთხე ემუქრება, ამას ეშველება?

თუ ვინმეს საქართველოში აქვს ქოლ-ცენტრი და ამას მფარველობს, ეს არის ლულუაშვილი, ფარცხალაძე, უჩა მამაცაშვილი.

ბოლო ამბები: