რატომ არის მნიშვნელოვანი: რუსული კანონის საწინააღმდეგო აქციის მონაწილე, 21 წლის ლაზარე გრიგორიადისი პოლიციამ 29 მარტს დააკავა, 31 მარტს კი სასამართლომ აღკვეთის ღონისძიების სახით პატიმრობა შეუფარდა.

• გამოძიების ვერსიით, გრიგორიადისმა პოლიციის თანამშრომლებს ქვები და ე.წ. მოლოტოვის კოქტეილები ესროლა, ასევე, ცეცხლი წაუკიდა შსს-ის კუთვნილ ავტომობილს.
• ადვოკატი ამბობს, რომ გრიგორიადისს აღიარებითი ჩვენება მეგობრის დაკავების მუქარით მიაცემინეს, ასევე, ციხეში, მისი ნების საწინააღმდეგოდ, თმა გადაპარსეს, რაც პენიტენციურმა უარყო.
• ის ამ დროისთვის დუმილის უფლებას იყენებს — როგორც ადვოკატი აღნიშნავს, ჩვენებას შემდეგ სასამართლო პროცესზე მისცემს.

ნაცვლიშვილის თქმით, გრიგორიადისი არის პატიმარი, რომელიც ჯერ კიდევ დაკავებამდე იყო დემონიზებული და ის განაჩენის გარეშე გამოაცხადა სახელმწიფო სისტემამ დამნაშავედ.

• მისი თქმით, იმ პირობებში, როდესაც მისი ციხეში მისი უფლებების შელახვაზე გავრცელდა ინფორმაცია, პარლამენტის წევრის არდაშვება ძალიან მძიმე ფაქტია.
• "ამყარებს ეჭვებს, რომ ლაზარე არ არის ჩვეულებრივი პატიმარი და რომ ის არის ადამიანი, რომელსაც მთელი სისტემა უპირისპირდება მანამ, სანამ მისი დამნაშავეობა თუ უდანაშაულობა არც კი გარჩეულა სასამართლოში".
• ნაცვლიშვილის მსგავსად, ენმ-ის დეპუტატი, ანა წითლიძეც ამბობს, რომ პაპუაშვილისგან ლაზარე გრიგორიადისთან შესვლაზე უარი მანაც მიიღო.
• "გაუგებარია და იქნებ გვიპასუხოთ, რატომ გვითხარით უარი მე და ანა ნაცვლიშვილს გვენახა ლაზარე და რა არის მიზეზი იმის, რომ არ შეგვეშვით მასთან ციხეში", — ამ სიტყვებით მიმართა მან პარლამენტის თავმჯდომარეს.

კობახიძე ნაცვლიშვილის არშეშვებაზე დასმული კითხვის პასუხად თქვა, რომ "სათანადო პირებს", ადვოკატებსა და ოჯახის წევრებს აქვთ პატიმრის მონახულების უფლება და "ჭარბ პოლიტიზებაზე" ისაუბრა.

• "აქედან გამომდინარე, შესაბამისი გადაწყვეტილება არის აბსოლუტურად რაციონალური".
• დაამატა, რომ თუ ვინმეს უნდა დარწმუნდეს გრიგორიადისის უფლებების არდარღვევაში, არიან შესაბამისი პირები, მაგალითად, ადვოკატი და მას "შეუფერხებელი წვდომა" აქვს.

ლაზარე გრიგორიადისის დაკავების შემდეგ მის წინააღმდეგ ქართულმა ოცნებამ მადესკრედიტირებელი და პროპაგანდისტული კამპანია წამოიწყო.

• მმართველი გუნდის თავმჯდომარემ გრიგორიადისს "გზას აცდენილი კაცი" უწოდა და თქვა, რომ "ჩანს, ყველანაირი ორიენტაცია არეული აქვს" — კობახიძის ამ განცხადებას, სავარაუდოდ, ჰომოფობიური ქვეტექსტი ჰქონდა.
• ომბუდსმენის თქმით, ნებისმიერი განცხადება, რომელიც ადამიანის ორიენტაციასთანაა დაკავშირებული, მიუღებელია.
• სახალხო დამცველი აღნიშნავს, რომ საკუთარი მანდატის ფარგლებში ომბუდსმენის აპარატი აკეთებს ყველაფერს, რათა გრიგორიადისის უფლებები იყოს უზრუნველყოფილი.
  გაიგეთ