მილი ჰულტონმა, რომელიც იორკის ერთ-ერთ უნივერსიტეტში სწავლობს, ცოტა ხნის წინ პარკირების ჯარიმის ქვითარი მიიღო. სტუდენტის თქმით, თავიდან ჯარიმის გადახდას აპირებდა, იმის მიუხედავად, რომ დაჯარიმებას არ ეთანხმებოდა, რადგან გასაჩივრებისთვის დრო არ ჰქონდა. თუმცა შემდეგ გადაწყვიტა, რომ დახმარება ჩეტბოტისთვის ეთხოვა, რამაც გაამართლა.

ხელოვნური ინტელექტის მქონე ახალი ჩეთბოტი, ChatGPT, შექმნილია იმისთვის, რომ ინფორმაციის მოძიების კუთხით ყველა კითხვას უპასუხოს. თუმცა როგორც აღმოჩნდა, პასუხთან ერთად ჩეტბოტს რთულ სიტუაციებში დახმარებაც კარგად გამოსდის. მილის თქმით, ჩეტბოტს ჯარიმასთან დაკავშირებით დახმარება სთხოვა, საპასუხოდ კი ჯარიმის გასაჩივრების ტექსტი მიიღო.

როგორც მილი აღნიშნავს, ჯარიმა უსაფუძვლო იყო, რადგან მას იმ კონკრეტულ ტერიტორიაზე ავტომობილს გაჩერების უფლება ჰქონდა. თუმცა საგამოცდო პერიოდის გამო, მას გასაჩივრებას დრო არ ჰქონდა, სწორედ ამიტომ სთხოვა დახმარება ჩეტბოტს.

"საჩივრის ტექსტის დაწერა გამიჭირდა, ამიტომ ჩეტბოტს ვკითხე, როგორ მოვქცეულიყავი. მე მას ყველა დეტალი ვუთხარი, თუ სად, როგორ და რატომ დამაჯარიმეს. ასევე განუმარტე, რატომ იყოს ეს ჯარიმა არასწორი. რამდენიმე წუთში კი ჩეტბოტმა შესანიშნავად ჩამოყალიბებული ტექსტი გამომიგზავნა", — ამბობს მილი.

ასე რომ, ჩეტბოტის დახმარებით მილმა საჩივრის ტექსტიც გამზადებული მიიღო და ჯარიმაც გაუუქმეს.