ახალი ამბები On.ge

მიუხედავად ცრემლსადენი გაზის მასიური გამოყენებისა, დილით ადრე მომიტინგეები აქციაზე დაბრუნდნენ.

სირცხვილია

31 Mar. 2023, 14:26

შსს-ს მიერ 21 წლის ლაზარე გრიგორიადისის დაკავება და მის წინააღმდეგ წარმოებული ცილისმწამებლური კამპანია გვაფიქრებინებს, რომ ხელისუფლებამ ის განზრახ აირჩია პოლიტიკური მართლმსაჯულების პირველ სამიზნედ. აშკარაა, რომ მმართველი პარტიის წევრებმა ჩათვალეს, რომ ახალგაზრდული იმიჯის გამო ლაზარე დისკრედიტაციის ხელსაყრელი სამიზნე იქნებოდა, საზოგადოებას კი მის ბრალეულობაში ადვილად დაარწმუნებდნენ.

მარტის აქციების შემდეგ, მმართველი პარტიის წარმომადგენლები აქტიურად ქმნიდნენ რუსთაველზე მყოფი ახალგაზრდების კრებით სახეს სიტყვებით: "სატანისტები", "ანარქისტები", "ექსტრემისტები". როგორც ჩანს, 3 კვირიანი მუშაობის შედეგად, სისტემამ განტევების ვაცი იპოვა. სამთავრობო პროპაგანდისტულმა მედია საშუალებებმა უკვე გაავრცელეს ყალბი ინფორმაცია:

  • თითქოს, ლაზარე პოლიტიკური პარტიის წევრია, რაც სიცრუეა და ეს ოფიციალურად დასტურდება.
  • თითქოს მან მამაზე იძალადა, რაც ასევე სიცრუეა და ეს ლაზარეს მამამ თავადვე საჯაროდ უარყო. ქართული ოცნებისთვის პოლიტიკური მართლმსაჯულების მსხვერპლების იმიჯის შელახვა კარგად ნაცნობი პრაქტიკაა: 
  • კარტოგრაფების საქმე, როცა ივერი მელაშვილისა და ნატალია ილიჩოვასთან დაკავშირებით ხელისუფლება იტყუებოდა, რომ მეცნიერები ნაციონალური მოძრაობის წევრები იყვნენ და რუსეთთან თანამშრომლობდნენ;
  • ლუკა სირაძე — პოლიციის მიერ ძალადობის შედეგად თვითმკვლელობამდე მიყვანილი არასრულწლოვანი და ხელისუფლების პროპაგანდა, რომ მას მენტალური პრობლემები ჰქონდა;
  • ლექსო ლაშქარავა — პრორუსი მოძალადეების მიერ მოკლული ოპერატორი და შსს-ს ტყუილი, თითქოს ის ზედოზირებას ემსხვერპლა.

ხელისუფლების მიზანია საზოგადოების დაყოფა და იმ აქტიური მოქალაქეების სამაგალითოდ დასჯა, რომლებმაც კონსტიტუციის მიღმა გასული ხელისუფლების შესაჩერებლად და ევროპული არჩევანის დასაცავად ჯერ არნახული, სამართლიანი ბრაზი გამოხატეს. 7, 8 და 9 მარტის პროტესტს არ ჰყოლია დამნაშავე ხელისუფლების გარდა. 

რუსული კანონის საწინააღმდეგო აქციის მონაწილე, ლაზარე გრიგორიადისი პოლიციამ 29 მარტს დააკავა. აქტივისტი აპროტესტებდა რუსულ კანონს, რომლის ჩაგდებაც მმართველ გუნდსა და პრორუსულ "ხალხის ძალას" მზარდი საზოგადოებრივი პროტესტის შემდეგ მოუწია. მმართველი გუნდის თავმჯდომარემ 21 წლის აქტივისტს "გზას აცდენილი კაცი" უწოდა და თქვა, რომ "ჩანს, ყველანაირი ორიენტაცია არეული აქვს" — კობახიძის ამ განცხადებას, სავარაუდოდ, ჰომოფობიური ქვეტექსტი ჰქონდა.

0 0

კომენტარები

კვირის ტოპ-5

  1. სტუდენტებმა სახელმწიფო უნივერსიტეტებში სრული დაფინანსების მისაღებად გარკვეული პირობები უნდა დააკმაყოფილონ — მთავრობის ახალი დადგენილება
  2. საქართველოში დაკარგულ ტაილანდელ ბლოგერს ოჯახი მეორე კვირაა ეძებს
  3. ორმა მინისტრმა თანამდებობა დატოვა, ერთი სამინისტრო გაუქმდა — საკადრო ცვლილებები მთავრობაში
  4. რა გახდა 24 ივლისს სისტემური ავარიის მიზეზი? — სემეკის სამუშაო ჯგუფის პირველი განმარტება
  5. გიორგი ლეონიძის ქუჩაზე საგზაო მოძრაობა 10 დღით იზღუდება

გირჩევთ

ახლა კითხულობენ

Galaxy Z სერიის უახლესი დასაკეცო სმარტფონების ინოვაციური ეპოქა წინასწარი | გაყიდვები 3 აგვისტოდან იწყება

22 ივლისს, ლონდონში Samsung-მა თამაშის წესები კიდევ ერთხელ შეცვალა და დასაკეცი მოწყობილობების სრულიად ახალი სტანდარტი…