როგორ შეაქო კობახიძემ ღარიბაშვილის გამოსვლა პარლამენტში
0
წაკითხვა
0
კომენტარი
0
გაზიარება
პრემიერმინისტრის გამოსვლამ ოპოზიციის კრიტიკა დაიმსახურა, თუმცა, ტრადიციულად, ქართულ ოცნებაში ირაკლი ღარიბაშვილის განცხადებებით კმაყოფილი არიან.
რატომ არის მნიშვნელოვანი: ღარიბაშვილი საკანონმდებლო ორგანოში ქვეყნის უსაფრთხოების გამოწვევებზე სასაუბროდ მივიდა.
- მიუხედავად იმისა, რომ გამოსვლამდე დეპუტატმა, თეონა აქუბარდიამ მოუწოდა მას, ესაუბრა რეალურ საფრთხეებზე და არა პროპაგანდისტულ ნარატივებზე, ის ასე არ მოქცეულა.
- ტრადიციული რიტორიკისგან განსხვავებით, პრემიერმინისტრი ახსენებს რუსეთს, მაგრამ არა როგორც ქვეყანას, რომლისგანაც პირდაპირი საფრთხე მოდის — უფრო მეტ დროს ის უკრაინისა და ოპოზიციისგან მომავალ "საფრთხეებზე" საუბარს უთმობს.
- მის ჩამონათვალში ომში ჩათრევის მცდელობებსა და სარფთხისშემეცველ 4 პროცესში მოხვდა სააკაშვილის ჩამოსვლა, უკრაინაში წამსვლელი მოხალისე მებრძოლებისთვის გაფრენის უფლების განხილვა, აქციები #შინევროპისკენ და 8-9 მარტს რუსული კანონის საწინააღმდეგო პროტესტი.
- პრემიერმინისტრმა სცადა, რომ ეს აქციები ძალადობრივად და მთავრობის გადატრიალების გეგმად წარმოეჩინა.
- ამავე ტრიბუნიდან, სადაც პოლარიზაციაში სხვას დასდო ბრალი, ღარიბაშვილმა ოპოზიციას ისევ უწოდა დესტრუქციული, რუსული კანონის საწინააღმდეგო აქციის მონაწილეებს კი ძალადობრივი და ანარქისტული.
- ღარიბაშვილს სამოქალაქო საზოგადოებამ არაერთგზის განუმარტა და მოუწოდა არ გამოიყენოს სიძულვილის ენის შემცველი რიტორიკა და არ წაახალისოს პოლარიზაცია და აგრესია ოპონენტების, მედიის და აქტივისტების მიმართ.
რა თქვა ოპოზიციამ: თეონა აქუბარდიამ ღარიბშვილის გამოსვლის შემდეგ აღნიშნა, რომ "მგლის თავზე სახარებას კითხულობენო", რადგან პრემიერს ქვეყნის უსაფრთხოებაზე ჰკითხა, მან კი "ქართული ოცნების უსაფრთხოებაზე" ისაუბრა.
- "უხერხულობის შეგრძნება ხომ არ გიჩნდებათ, როდესაც მტერი გაქებთ და მოყვარე გაკრიტიკებთ", — ჰკითხა მას აქუბარდიამ და რუსი პროპაგანდისტების და სამთავრობო გუდნის განცხადებები შეახსენა.
- "ვის უნდა დააჯეროთ, რომ თქვენ ხართ ამ ქვეყნის უსაფრთხოების გარანტი, პარლამენტში ვერ შემოსულხართ, მთელი უსაფრთხოების სამსახურით რომ არ იყოს გარშემორტყმული აქაურობა და თქვენი პარტიის ლიდერები საპირფარეშოში დაცვით დადიან, რა უსაფრთხოების გარანტი ხართ თქვენ ამ ქვეყნის?" — უთხრა პრემიერს ანა ნაცვლიშვილმა.
- რომან გოცირიძემ აღნიშნა, რომ პრემიერმინისტრმა შარშანდელი მოხსენება წაიკითხე და თქვა: "ბატონო ირაკლი, თქვენ რომ მოდიოდით, ეტყობა სხვა უჯრა გახსენით კანცელარიაში და სხვა მასალები წამოიღეთ".
- "დღეს აქ ამ დარბაზში რატომ არ მოხვედით დიდი ნაცრის ყუთით, რატომ არ წაიყარეთ თავზე ნაცარი, არ დაურიგეთ თქვენს უმრავლესობას პარლამენტში და Mea culpa-თი [ჩემი ბრალია] რატომ არ დაიწყეთ საკუთარი გამოსვლა", — უთხრა მას სალომე სამადაშვილმა.
ირაკლი კობახიძემ პარლამენტში გამოსვლისას თავისი 15 წუთის გამოყენება ღარიბაშვილის ქებით და ოპოზიციის ლანძღვით დაიწყო.
- "მადლობა, ბატონო ირაკლი, არაჩვეულებრივი გამოსვლისთვის. დღეს კიდევ ერთხელ პრემიერმა 10:0 მოუგო დებატები რადიკალური ოპოზიციის წარმომადგენლებს და კიდევ ერთხელ გააშიშვლა მათი ნამდვილი სახე. მათი უსუსური და ასევე, პირდაპირ ვიტყვი ცოტა უხეშად, უინტელექტო სახე", — განაცხადა კობახიძემ.
- იქვე კიდევ ერთი მადლობა გადაუხადა ღარიბაშვილს და მის განათლებასაც გაუსვა ხაზი: "სხვათა შორის, ინტელექტზე და განთლებაზე როცა არის საუბარი, ქალბატონმა ეკამ დაუწუნა პრემიერს განათლება. როგორც ჩანს, სორბონის გადახვევა არ აკმაყოფილებს ქალბატონ ეკას".
- კობახიძემ საუბარი უსაფრთხოების გამოწვევებზე გააგრძელა აქაც აღნიშნა, რომ პრემიერმა ამ საკითხზე "ძალიან კარგად" ისაუბრა.
- "რაც შეეხება უსაფართხოებას, კიდევ ერთხელ მინდა შეგახსენოთ, რას აკეთებდა... პრემიერმა ძალიან კარგად ქრონოლოგიურად გაიხსენა ეს ყველაფერი, მეც რამდენიმე აქცენტი მინდა შემოგთავაზოთ, რას აკეთებდა ოპოზიცია 24 თებერვლის შემდეგ. ჯერ დავიწყებ იმით, რა გააკეთეს მათ ომის დაწყებამდე ცოტა ხნით ადრე, რაც ასევე პრემიერმა გაიხსენა — მათ ჩამოგვიყვანეს საქართველოში მიხეილ სააკაშვილი", — თქვა მან და სააკაშვილის ჩამოყვანაში უკრაინის ხელისუფლებაც დაადანაშაულა.
-
გადახედვაბრიტანელებს ევროვიზიაზე ადელის გაგზავნა უნდათ, ადელს — დასვენება ბრიტანელებს ევროვიზიაზე ადელის გაგზავნა უნდათ, ადელს — დასვენება
-
გადახედვაძაღლები ჩვენს სტრესს სუნით ცნობენ და ეს მათ განწყობაზეც აისახება — კვლევა ძაღლები ჩვენს სტრესს სუნით ცნობენ და ეს მათ განწყობაზეც აისახება — კვლევა
-
-
გადახედვაკიმ კარდაშიანის თქმით, The Crown-ს უყურა და ქვეყნის სამართავად მზადაა კიმ კარდაშიანის თქმით, The Crown-ს უყურა და ქვეყნის სამართავად მზადაა
-
-
გადახედვანოდარ მელაძე: ველით, კალაძის მოთხოვნის საფუძველზე, ტელევიზიის ანგარიშების და ქონების დაყადაღებას ნოდარ მელაძე: ველით, კალაძის მოთხოვნის საფუძველზე, ტელევიზიის ანგარიშების და ქონების დაყადაღებას
-
გადახედვანახეთ: NASA-ს ახალი ვიდეო ატმოსფეროში მოძრავ ნახშირორჟანგის ნაკადებს გვიჩვენებს ნახეთ: NASA-ს ახალი ვიდეო ატმოსფეროში მოძრავ ნახშირორჟანგის ნაკადებს გვიჩვენებს
-
გადახედვაახალი სეზონიდან "აკუსტიკას" ახალი წამყვანები ეყოლება — მებო ნუცუბიძე ახალი სეზონიდან "აკუსტიკას" ახალი წამყვანები ეყოლება — მებო ნუცუბიძე
-
გადახედვაბიონსემ კამალა ჰარისს საკუთარი მუსიკის საარჩევნო კამპანიაში გამოყენების უფლება მისცა ბიონსემ კამალა ჰარისს საკუთარი მუსიკის საარჩევნო კამპანიაში გამოყენების უფლება მისცა
-
-
გადახედვადაორსულების 4 ყველაზე უჩვეულო და იშვიათი გზა დაორსულების 4 ყველაზე უჩვეულო და იშვიათი გზა
-
გადახედვაშესაძლოა, მზის სისტემაში კიდევ ერთი ფარული ოკეანე იყოს შესაძლოა, მზის სისტემაში კიდევ ერთი ფარული ოკეანე იყოს
-
-
-
გადახედვააზერბაიჯანელ ჟურნალისტს, სავარაუდოდ, საქართველოდან გასვლას უკრძალავენ აზერბაიჯანელ ჟურნალისტს, სავარაუდოდ, საქართველოდან გასვლას უკრძალავენ
-
გადახედვაNASA-ს მავალმა მარსზე სიცოცხლის შესაძლო კვალს მიაგნო NASA-ს მავალმა მარსზე სიცოცხლის შესაძლო კვალს მიაგნო
-
-
-
გადახედვა"მთავარი არხის“ ჟურნალისტსა და ოპერატორზე ძალადობის ფაქტზე ორი პირი დააკავეს "მთავარი არხის“ ჟურნალისტსა და ოპერატორზე ძალადობის ფაქტზე ორი პირი დააკავეს
-
-
კომენტარები