ვივამედის განცხადებაზე შალვა ხაჭაპურიძემ ისაუბრა.

რატომ არის მნიშვნელოვანი: გუშინ, 22 მარტს განცხადება გაავრცელა, სადაც გამოთქვეს სურვილი, რომ პენიტენციურმა სააკაშვილის კლინიკაში დარჩენის მიზანშეწონილობა შეამოწმოს.

  • მათი თქმით, გასული წლის ოქტომბრის შემდეგ სააკაშვილი უარს ამბობს შეთავაზებულ მკურნალობაზე, განსაკუთრებით, იმ შემთხვევაში, თუ ის დადებითად აისახება მის ჯანმრთელობაზე.
  • "შესაბამისად, ბოლო თვის მანძილზე პაციენტი იმყოფება მხოლოდ სიმპტომურ მკურნალობაზე, უნდობლობას აცხადებს მედპერსონალის მიმართ და უარს ამბობს შეთავაზებულ მკურნალობის სქემაზე", — თქვეს კლინიკაში.
  • ასევე, აღნიშნეს, რომ მედპერსონალი იძულებით ვერავის უმკურნალებს, ამის გამო კი ისინი უზარმაზარ რეპუტაციულ დარტყმას იღებენ.
  • ამ განცხადების შემდეგ ექსპრეზიდენტის დედამ, გიული ალასანიამ თქვა, რომ პენიტენციური სააკაშვილის ციხეში დაბრუნებას აპირებს.

დეტალები: ხაჭაპურიძე ამბობს, რომ სააკაშვილისთვის ვივამედის განცხადება აბსოლუტურად მიუღებელი და გაუგებარი იყო.

  • მისივე თქმით, ექსპრეზიდენტი პროცედურებზე უარს არ ამბობს და თუ მკურნალობაზე რამე შემოთავაზებაა, ყველაფერს თანხმდება.
  • ხაჭაპურიძის ცნობით, მოითხოვა ავადმყოფობის ისტორია, მაგრამ ადვოკატებს ადმინისტრაციაში აღარ უშვებენ, მეტიც, 2 კვირის წინ მოთხოვნილ ისტორიის გაცემაზე უარს ეუბნებიან.
  • "სააკაშვილმა თქვა, რომ თუ გლდანის მე-18 დაწესებულებაში გადაიყვანენ იქ მოხდა მისი წამება და მის მიმართ არაადამიანური მოპყრობა, თუ ციხეში გადაიყვანენ იქ უარესი იყო კიდე".
  • "აქვს მოლოდინი და თქვა, რომ არაფერი არ არის გამორიცხული ამათგანო, მიუხედავად იმისა, რომ მომაკვდავ მდგომარეობაში ვარო. ექთანს ვესაუბრე ერთ-ერთს, თვითონ ისინიც გაკვირვებულები არიან, როგორ უნდა მოხდეს ამ ადამიანის სადმე გადაყვანა", — აღნიშნა ადვოკატმა.