ღარიბაშვილი აშშ-ის სახელმწიფო დეპარტამენტის ანგარიშზე: ეს ჩვენთვის არ არის საინტერესო

21 Mar. 2023, 12:01

მე გავეცანი ძალიან მოკლედ ანგარიშს და ძირითად აქცენტებს, რაც გამოკვეთილია. სამწუხაროა ის ფაქტი, რომ ანგარიში ეყრდნობა, ძირითადად, იმ ინფორმაციებს, რომლებიც მიწოდებული იყო არაობიექტური, მიკერძოებული, სუბიექტური და უსამართლო დასკვნებზე, რომელიც მომზადდა ე.წ. ელიტური ენჯეოების, არასამთავრობო ორგანიზაციების მიერ.

თქვენ მიერ ნახსენები ფაქტები არ შეესაბამება სიმართლეს, ეს არის მხოლოდ სპეკულაციები და ცალკეული, ასე ვთქვათ, პოლიტიკურად ანგაჟირებული, მიკერძოებული ადამიანების მიერ მოყვანილი ცრუ, მოგონილ ინფორმაციებზე დაყრდნობილი დასკვნები და ანგარიში. ეს ჩვენთვის არ არის, ასე ვთქვათ, საინტერესო.

მინდა, გითხრათ მთავარი, 10 წლის წინ, უფრო ადრეც, როცა, მაგალითად, ქვეყანაში იყო სისტემური კორუფცია, სისტემური დანაშაული, ხდებოდა ადამიანების წამება, გაუპატიურება, მკვლელობა, ბიზნესის წართმევა, მედიათავისუფლება საერთოდ არ არსებობდა, არცერთი თავისუფალი ტელეარხი არ არსებობდა, მე არ მახსენდება ის ფაქტები, რომელიც მაგალითად სახელმწიფო დეპარტამენტის ანგარიშში არის მოყვანილი, რაც, რა თქმა უნდა, სამწუხაროა.

ბოლო ამბები:

ირაკლი ღარიბაშვილი ღარიბაშვილი აშშ-ის სახელმწიფო დეპარტამენტის ანგარიშზე: ეს ჩვენთვის არ არის საინტერესო

კომენტარები

კვირის ტოპ-5

გირჩევთ

ახლა კითხულობენ