რატომ არის მნიშვნელოვანი: რუსული კანონის ჩაგდების შემდეგ მმართველ გუნდში საკადრო ცვლილებებზე საუბარი დაიწყო.

  • 18 მარტს, ბორჯომში უმრავლესობის შეხვედრა გაიმართა, რომელსაც რამდენიმე დეპუტატი და მინისტრი არ ესწრებოდა, მათ შორის, განათლების უწყების მოქმედი ხელმძღვანელი, მიხეილ ჩხენკელი.
  • დღეს ქართული ოცნების დეპუტატმა, გია ვოლსკიმ თქვა, რომ შეხვედრაზე განათლების მინისტრთან დაკავშირებით, შესაძლო საკადრო გადაწყვეტილებაზე ისაუბრეს.

დეტალები: პროსახელისუფლებო მედიების ინფორმაციით, გადაწყვეტილება უკვე მიღებულია და ამის შესახებ განცხადებას პრემიერმინისტრი გააკეთებს.

  • ამილახვარი ამ დრომდე განათლებისა და მეცნიერების კომიტეტის თავმჯდომარის პოსტს იკავებს.
  • მის შესაძლო გამინისტრებაზე ფორმულა 2022 წლის ოქტომბერში წერდა.

ამილახვარს დამთავრებული აქვს თბილისის სახელმწიფო უნივერსიტეტის სამართალმცოდნეობის ფაკულტეტი.

  • პარლამენტის ოფიციალური ვებგვერდის თანახმად კი, მისი სამუშაო გამოცდილება ასეთია:

  • 2018-2019 წ. — საგანმანათლებლო პროგრამების აკრედიტაციის საბჭოს თავმჯდომარის მოადგილე;

  • 2010-2020 წ. — თბილისის ღია სასწავლო უნივერსიტეტის ვიცე-რექტორი, რექტორი, ასოცირებული პროფესორი სამართალში;

  • 2008-2010 წ. — ლიტვური საინვესტიციო კომპანია შპს სავერუსის ფილიალი საქართველოში სავერუს ჯორჯია მთავარი იურისტი;

  • 2007-2008 წ. — სახელმწიფო მინისტრის აპარატი ევროპული და ევროატლანტიკური ინტეგრაციის საკითხებში მთავარი სპეციალისტი.

მიხეილ ჩხენკელს განათლების მინისტრის პოსტი ორჯერ ეკავა.

  • პირველად — 2017 წელს, მეორედ კი 2019 კი წელს დაინიშნა განათლების მეცნიერების, კულტურის და სპორტის მინისტრად.
  • 2021 წლიდან, მას შემდეგ, რაც განათლების და კულტურის უწყებები გაიყო, ჩხენკელმა განათლების და მეცნიერების სამინისტრო ჩაიბარა.