ახალი ამბები On.ge

ვოლოდიმირ ზელენსკი

18 Mar. 2023, 00:49

დღეს ჩვენ მივიღეთ საერთაშორისო მართლმსაჯულების მნიშვნელოვანი გადაწყვეტილება. იმ შემთხვევაში, როცა არსებობს რეალური პერსპექტივა, სისხლის სამართლის საერთაშორისო სასამართლომ პუტინის დაკავების ორდერი გასცა. ისტორიული გადაწყვეტილება, რასაც ისტორიული პასუხისმგებლობა მოჰყვება. ტერორისტული სახელმწიფოს მეთაური და კიდევ ერთი რუსი ოფიციალური პირი ოფიციალურად გახდნენ ეჭვმიტანილები სამხედრო დანაშაულში. უკრაინელი ბავშვების დეპორტაციაში — ათასობით ჩვენი შვილის უკანონო გადაყვანაში ტერორისტული სახელმწიფოს ტერიტორიაზე.

ბავშვების ოჯახებისგან გამოყოფა, ნათესავებთან კონტაქტის ყოველგვარი შესაძლებლობის ჩამორთმევა, ბავშვების დამალვა რუსეთის ტერიტორიაზე, გაფანტვა. შორეული რეგიონები — ეს ყველაფერი აშკარად არის აგრესორის სახელმწიფო პოლიტიკა, სახელმწიფო გადაწყვეტილება, სახელმწიფო ბოროტება. ეს სწორედ ამ სახელმწიფოს პირველი ჩინოვნიკით იწყება. და მადლობელი ვარ პროკურორ კარიმ ხანის გუნდისა და სისხლის სამართლის საერთაშორისო სასამართლოს, ყველას, ვინც გვეხმარება სამართლიანობისთვის ბრძოლაში. მადლობელი ვარ პრინციპებისთვის და მზადყოფნისთვის, რომ დამნაშავეები რეალურად დაისაჯონ.

განაცხადა უკრაინის პრეზიდენტმა. დღეს ცნობილი გახდა საერთაშორისო სისხლის სამართლის სასამართლოს გადაწყვეტილების შესახებ, რომელმაც რუსეთის პრეზიდენტზე და რუსეთში ბავშვთა უფლების კომისარზე დაკავების ორდერები გასცა.

0 0

კომენტარები

კვირის ტოპ-5

  1. რა ღირს ყავა თბილისის Starbucks-ში?
  2. რატომ დაიტბორა თბილისი? — ლაშა სუხიშვილის განმარტება
  3. თამარ ბაგრატიონი ჟენევაში გამართულ კულტურულ ღონისძიებაზე სიტყვით გამოვიდა
  4. გაგიკ წარუკიანის სახლის ჩხრეკისას 3 ლომი და 1 ვეფხვი იპოვეს და ზოოპარკში გადაიყვანეს
  5. მერაბ დვალიშვილი 2025 წლის საუკეთესო MMA მებრძოლი გახდა

გირჩევთ

ახლა კითხულობენ

გადახედვა

ევროკომისარი მაიკლ ო’ფლაჰერტი აზერბაიჯანის პროკურატურას აფგან სადიგოვის საქმეზე განმარტებას სთხოვს

ევროპის საბჭოს ადამიანის უფლებათა კომისარმა, მაიკლ ო’ფლაჰერტმა აფგან სადიგოვის უკანონო დაკავების საქმეზე…