ჩინეთის აღმოსავლეთით მდებარე ქალაქ ფენგშიანში მომხდარი აფეთქების შედეგად სულ მცირე 7 ადამიანი დაიღუპა, 66 კი დაშავდა.

როგორც BBC ადგილობრივ მედიაზე დაყრდნობით იუწყება, აფეთქება საბავშვო ბაღის მიმდებარედ მოხდა და დაშავებულებს შორის ბევრი ბავშვია. ჯერ-ჯერობით, უცნობია, რა იყო აფეთქების მიზეზი. ორი ადამიანი მაშინვე დაიღუპა, ხუთი კი ჭრილობების გამო. დაშავებულთაგან ცხრა კრიტიკულ მდგომარეობაშია.

ჩინეთის სამართლდამცავებმა გამოძიება დაიწყეს.

ეს უკვე მეორე ტრაგიკული შემთხვევაა ჩინეთში, ბოლო პერიოდში. წინა თვეში, 11 ბავშვი შეეწირა ავტობუსის აფეთქებას.