აქციაზე, სადაც მოსახლეობა რუსულ კანონს აპროტესტებდა, სპეცრაზმმა ცრემლსადენი გაზი, წიწაკის სპრეი და წყლის ჭავლი არაერთხელ გამოიყენა.

რატომ არის მნიშვნელოვანი: მომიტინგეები თავი დაცვას და ტერიტორიიდან გარიდებას ცდილობდნენ, რა დროსაც თავი ეროვნულ მუზეუმს შეაფარეს.

  • გავრცელდა ამის ამსახველი ფოტო და ვიდეო მასალაც, სადაც ჩანს, რომ ხალხი შეუძლოდაა, თვალები ეწვით და იატაკზე სხედან.

მუზეუმი როგორც ჩანს უკმაყოფილოა და აქციის მონაწილეების შენობაში შესვლას პოსტით გამოეხმაურა.

  • ამტკიცებენ, რომ დიმიტრი შევარდნაძის სახელობის ეროვნულ გალერეაში რუსთაველის გამზირზე მიმდინარე აქციის მონაწილეებმა კარი შეამტვრიეს და დაიკავეს გალერეის პირველი საგამოფენო დარბაზი, სადაც განთავსებულია ფიროსმანის მუდმივმოქმედი გამოფენა.
  • წუხან, რომ ამის გამო, ეროვნული გალერეის ექსპონატების ნაწილი საცავებში გატანა მოუხდათ.
  • აღნიშნავენ იმასაც, რომ შემთხვევის ადგილზე იყვნენ კულტურის მინისტრის პირველი მოადგილე კახა სიხარულიძე და ეროვნული მუზეუმის გენერალური დირექტორის მოვალეობის შემსრულებელი ნიკა ახალბედაშვილი.
  • მათი პოსტი მალევე გადააზიარა კულტურის სამინისტროს ოფიციალურმა ვებგვერდმა.
  • კომენტარების დაწერა ორივე პოსტზე შეზღუდულია.