განსაკუთრებული ქალი ავტორები და მათი განსაკუთრებული წიგნები ქარჩხაძის გამომცემლობისგან. დელია ოუენსი, ჯულია ქუინი და ლილი კინგი — თანამედროვე ქალი მწერლები, რომელთაც მსოფლიოში ძალიან კარგად იცნობენ და რომელთა ნაწარმოებების წაკითხვის სიამოვნებასაც ქართველ მკითხველს ქარჩხაძის გამომცემლობა აძლევს. სტატიაში მათ შესახებ საინტერესო ფაქტებსა და წიგნებზე მოგითხრობთ.

ჯულია ქუინი, ბრიჯერტონის სერიის პირველი წიგნი — ჰერცოგი და მე

• New York Times-ის ბესტსელერის ბრიჯერტონის სერიის ავტორი ჯულია ქუინი სამხედროების დიდი მხარდამჭერია. ის ყოველ წელს, ვეტერანების დღეს, თავისი წიგნების 100 ასლს სამხედრო მოსამსახურეებს, მათ მეუღლეებსა და ვეტერანებს ჩუქნის.
• ავტორმა თავისი პირველი წიგნი, Splendid, 24 წლის ასაკში გაყიდა და მთელი კარიერის განმავლობაში ერთსა და იმავე რედაქტორსა თუ გამომცემლობასთან მუშაობს.
• 2001 წელს ჯულია მონაწილეობდა შოუში The Weakest Link, სადაც მან $79,000 მოიგო.
• ჯულია ქუინის ბრიჯერტონის მიხედვით 2020 წელს ნეტფლიქსმა იმავე სახელწოდების სერიალი გადაიღო, რომელსაც დიდი წარმატება ხვდა წილად და ერთგული მაყურებელი სერიალის ახლა უკვე მესამე სეზონს ელის.
• ჰერცოგი და მე ბრიჯერტონის საგვარეულო ოჯახის საინტერესო თავგადასავლების პირველი წიგნია. თავბრუდამხვევი სიყვარული, წინაღობები, ოჯახური ტრაგედიები თუ დრამები და რაც მთავარია, XIX საუკუნის ლონდონის არისტოკრატიის ახალგაზრდების ცხოვრება, ფერადი, მომნუსხველი, თუმცა ხშირად სულის შემხუთავიც კი — წიგნის კითხვისას, გარწმუნებთ, ამ საოცარ სამყაროში მოგზაურობა, ინტრიგებსა და სასიყვარულო ისტორიებში გახლართვა გარდაუვალია.

დელია ოუენსი, იქ, სადაც კიბორჩხალები მღერიან

• იქ, სადაც კიბორჩხალები მღერიან დელია ოუენსის სადებიუტო რომანია, ავტორმა ის თითქმის 70 წლის ასაკში გამოაქვეყნა.
• ნაწარმოებს გასდევს მისტიკური და დეტექტიური შტრიხები, რაზეც ზეგავლენა იქონია ოუენსისა და მისი მეუღლის ცხოვრებამ: ისინი ჯერ ბოტსვანას მთავრობის წარმომადგენლებმა ქვეყნიდან გააძევეს, შემდეგ კი ავტორის გერს ბრალი დასდეს ბრაკონიერის მკვლელობაში, შედეგად ოუენსების ოჯახზე ძებნა გამოცხადდა, თუმცა მათ ბრალდებები უარყვეს.
• წიგნის მიხედვით გადაღებული ფილმი, იქ, სადაც კიბორჩხალები მღერიან, 2022 წელს გამოვიდა და მთავარ როლს დეიზი ედგარ-ჯონსი თამაშობს. ბრიტანელმა მსახიობმა ხალხის სიყვარული დიდი ხანია დაიმსახურა და ფილმშიც იდეალურად შეასრულა კაია კლარკის როლი.
• იქ, სადაც კიბორჩხალები მღერიან არის წიგნი მარტოობასა და ჰარმონიაზე, ბუნებისა და ადამიანის თანაარსებობაზე, საზოგადოებისა და ერთი, განსხვავებული, განსაკუთრებული პიროვნების მუდამ დაპირისპირებასა და უნდობლობაზე. გამოძიება, დაძაბულობა, თუმცა ამავდროულად ფაქიზი სულის კაია და მისი ფერადი, საინტერესო, მიმზიდველი სამყარო - აი, ასეთი წიგნია დელია ოუენსის სადებიუტო რომანი, რომელიც უკვე 50-ზე მეტ ენაზეა თარგმნილი.

ლილი კინგი, ეიფორია

• ლილი კინგი New York Times-ის ხუთი რომანის ბესტსელერი ავტორია.
• სკოლის დამთავრების შემდეგ ლილი კინგი მუშაობდა საშუალო სკოლის ინგლისურის მასწავლებლად ვალენსიაში, ესპანეთში, სადაც თავისი პირველი რომანის წერა დაიწყო.
• ლილის პირველი მოთხრობა გამოქვეყნდა Glimmer Train-ში 1991 წელს.
• ლილი კინგის პირველი წიგნი, რომელიც ქარჩხაძის გამომცემლობამ ქართველ მკითხველს გააცნო და შეაყვარა მწერლები და საყვარლებია. ამჯერად ავტორის მეორე წიგნი, ეიფორია, ითარგმნა.
• ეიფორია, ანუ როდესაც სათაური ზუსტად აღწერს წიგნის კითხვისას გამოწვეულ ემოციებს. ახალგაზრდა ცოლ-ქმარი 1930-იან წლებში ახალი გვინეის ჯუნგლებში ჩადის ადგილობრივი ტომების შესასწავლად. მათი ისედაც თავბრუდამხვევი თავგადასავალი კიდევ უფრო საინტერესო ხდება, როდესაც წყვილი ბრიტანელ მეცნიერს გაიცნობს. სამი ადამიანი, განსხვავებული მისწრაფებებითა და სურვილებით, ლტოლვა, არჩევანის დილემა და ამბიციები — მკითხველი ყოველ გვერდზე მუდამ ეიფორიით ელოდება ამ უცნაური ტრიოს ახალ გამოწვევას თუ გადამწყვეტ არჩევანს.