პარლამენტში ხმაური, სიტყვიერი და ფიზიკური დაპირისპირებაა.

რატომ არის მნიშვნელოვანი: რუსული კანონის გასაპროტესტებლად საკანონმდებლო ორგანოში არასამთავრობო ორგანიზაციებისა და მედიების წარმომადგენლები არიან შეკრებილები.

  • ისინი ხალხის ძალის მიერ ინიცირებულ კანონპროექტს აპროტესტებენ.
  • მსგავსი კანონი მოქმედებს რუსეთში — ქართველი დეპუტატების მსგავსად, ოკუპანტი ქვეყნის საკანონმდებლო ორგანო მის მიღებას მოქალაქეების ინტერესების, ქვეყნის უსაფრთხოებისა და სუვერენიტეტის "უცხოური გავლენებისგან" დაცვის მოტივით ხსნიდა, საბოლოოდ, კი თავისუფალი სიტყვის წინააღმდეგ გამოიყენა.
  • "არა რუსულ კანონს", მოღალატე", "მონა", — ამ შეძახილებით დახვდნენ აქციის მონაწილეები დეპუტატებს.

დეტალები: ადგილზე მომუშავე ჟურნალისტების ცნობით, სხდომათა დარბაზში არც მედიის წარმომადგენლებს უშვებენ.

  • როგორც On.ge-სთან სტრატეგია აღმაშენებლის წევრი ამბობს, დაპირისპირება მას შემდეგ დაიწყო, რაც დაბრაზში ხალხის ძალის აქტივისტები შეუშვეს, თუმცა ოპოზიციონერები არა.
  • ლელოს წევრის, დავით უსუფაშვილის თქმით, უმრავლესობამ სხდომათა დარბაზი შეცვალა და უფრო პატარა დარბაზში გადაინაცვლეს.