ამის შესახებ უნგრეთის პრემიერმინისტრმა, ვიტორ ორბანმა ბუდაპეშტში სიტყვით გამოსვლისას ისაუბრა.

რატომ არის მნიშვნელოვანი: ორბანი ევროკავშირში რუსეთის პრეზიდენტის უახლოესი მოკავშირედ განიხილება, რის გამოც უკრაინასა და უნგრეთს შორის ურთიერთობა დაძაბულია.

  • რუსული პროპაგანდა ცდილობს ომი ისე შეფუთოს, თითქოს ეს "სამხედრო ოპერაციაა", რომლის მიზანიც მოსახლეობის "გათავისუფლებაა".
  • კრემლის პროპაგანდა ხშირად საუბრობს, რუსეთისა და უკრაინის "საერთო წარსულსა" და "სლავურ ერებზეც".

დეტალები: ორბანი ევროკავშირს უკრაინაში ომის გახანგრძლივებაში ადანაშაულებს.

  • ცდილობს დაამტკიცოს, რომ კიევის მხარდაჭერა ევროპის მცდარი სტრატეგიაა — "როდესაც რუსეთმა შეტევა დაიწყო, დასავლეთმა არ მოახდინა კონფლიქტის იზოლირება".
  • "უკრაინის ომი არ არის კონფლიქტი სიკეთისა და ბოროტების ჯარებს შორის, არამედ ორ სლავურ ქვეყანას შორის, რომლებიც ერთმანეთს ებრძვიან. ეს მათი ომია და არა ჩვენი", — ასე ცდილობს ორბანი წარმოაჩინოს რუსეთის გაუმართლებელი და არაპროვოცირებული თავდასხმა უკრაინაზე.

ორბანი ხშირად ეწინააღმდეგება ევროკავშირის სანქციებს, თუმცა კრიტიკის მიუხედავად, არაერთ მათგანს დაუჭირა მხარი.

  • აცხადებს იმასაც, რომ რუსეთთან ურთიერთობის გაწყვეტა "მათ ეროვნულ ინტერესებს ეწინააღმდეგება".