ამის შესახებ ისრაელის საგარეო საქმეთა მინისტრმა, ელი კოენმა კიევში, დმიტრო კულებასთან გამართული ერთობლივი პრესკონფერენციის დროს განაცხადა.

რატომ არის მნიშვნელოვანი: ისრაელის საგარეო საქმეთა მინისტრი კიევში დღეს ჩავიდა.

  • ეს ისრაელის მაღალჩინოსნის პირველი ვიზიტია უკრაინაში რუსეთის სრულმასშტაბიანი შეჭრის შემდეგ.
  • უკრაინის პრეზიდენტმა 2022 წლის 11 ოქტომბერს მშვიდობის ფორმულა წარადგინა, რომელიც 10 პუნქტისგან შედგება და მოიცავს ქვეყნიდან რუსული ჯარების გაყვანას და საომარი მოქმედებების შეწყვეტას, რადიაციულ და ბირთვული უსაფრთხოებას და ა.შ.

დეტალები: ელი კოენმა განაცხადა, რომ ისრაელი აპირებს მხარი დაუჭიროს პრეზიდენტ ვლადიმირ ზელენსკის მიერ შემოთავაზებულ სამშვიდობო ინიციატივას გაეროში მომავალ კვირას.

  • კოენმა დასძინა, რომ ისრაელი მხარს უჭერს უკრაინელ ხალხს, ასევე უკრაინის სუვერენიტეტსა და ტერიტორიულ მთლიანობას.