ფონ დერ ლაიენი: უკრაინელების ლეგენდარულმა სიმამაცემ მსოფლიო გააოცა

15 Feb. 2023, 16:46

ერთი წლის წინ ევროპაში ომი დაბრუნდა. მაშინ ყველანი ახალ ამბებს ვადევნებდით თვალს და ვფიქრობდით, შეძლებდა თუ არა უკრაინა რუსეთის აგრესია მოეგერიებინა. დღეს ვიცით, მათ ეს შეუძლიათ. [...]

ერთი წლის შემდეგ, რუსეთი სრულიად გაუცხოებულია ევროპისგან. იზოლირებულია მისი ყველაზე მნიშვნელოვანი ეკონომიკური კავშირები .იზოლირებულია გლობალური სცენიდან. ერთი წლის შემდეგ, წინა კვირას, ამ პარლამენტში ვუმასპინძლეთ ვლადიმერ ზელენსკის, რომელიც ნამდვილი გმირია. ერთი წლის შემდეგ, პუტინის იმპერიალისტურმა ფანტაზიებმა სასტიკი რეალობა გააღვიძა. უკრაინელების ოცნებები მშვიდობაზე იმაზე ძლიერია, ვიდრე ოდესმე. გულწრფელად მჯერა, რომ ისინი გაიმარჯვებენ. [...]

24 თებერვლის პირველ საათებში, როცა რუსული ტანკები უკრაინაში შევიდა, მთელმა კონტინენტმა სუნთქვა შეიკრა. ზოგი ვარაუდობდა, რომ უკრაინა რამდენიმე დღეში დაეცემოდა, თუმცა უკრაინელების ლეგენდარულმა სიმამაცემ მსოფლიო გააოცა. [...]

ჩვენ ვერასდროს შევედრებით უკრაინელი ხალხის სიმამაცეს და მსხვერპლშეწირვას, მაგრამ რაც შეგვიძლია გავაკეთოთ, არის ის, რომ მათ გვერდით მტკიცეთ ვიდგეთ. ჩვენ ამას პირველი დღიდან ვაკეთებთ და გავაგრძელებთ. მათ შეუძლიათ ჩვენი იმედი ჰქონდეთ.

ბოლო ამბები: