ინფორმაციას თეთრი სახლი ავრცელებს.

რატომ არის მნიშვნელოვანი: დამტკიცების შემთხვევაში, ელჩობის ახალი კანდიდატი კელი დეგნანს შეცვლის, რომელიც საქართველოში 2020 წლიდან მსახურობს.

  • პრეზიდენტის წარდგენის შემდეგ, ელჩის კანდიდატურას აშშ-ის სენატი განიხილავს და ამტკიცებს.

დეტალები: გუშინ ჯო ბაიდენმა საქართველოში აშშ-ის საგანგებო და სრულუფლებიან ელჩად რობინ დანიგენი წარადგინა.

  • დენიგენი ამჟამად სახელმწიფო მდივნის თანაშემწის მოადგილეა სახელმწიფო დეპარტამენტის ევროპისა და ევრაზიის საკითხების ბიუროში.
  • იგი 2018-2021 წლებში ავსტრიაში მუშაობდა აშშ-ის საელჩოს მისიის უფროსის მოადგილედ.
  • ასევე მსახურობდა აშშ-ს საელჩოებში ვიეტნამში, ჩილეში, თურქეთში, კუბასა და ელ სალვადორში, სადაც მუშაობდა ვაჭრობისა და ინვესტიციების, ენერგეტიკისა და სანქციების საკითხებზე.

თეთრი სახლის ინფორმაციით, დანიგანი სახელმწიფო დეპარტამენტის მრავალი ჯილდოს მფლობელია, მათ შორისაა ორი უმაღლესი საგარეო საქმეთა სამსახურის ჯილდო.

  • არის ომის ეროვნული კოლეჯის წარჩინებული კურსდამთავრებული, აქვს მეცნიერების მაგისტრის ხარისხი ჯორჯთაუნის უნივერსიტეტიდან და მეცნიერების ბაკალავრის ხარისხი ბერკლის კალიფორნიის უნივერსიტეტიდან.
  • დენიგენი კალიფორნიის მკვიდრია, საუბრობს ესპანურ და გერმანულ ენებზე.