ინფორმაციას საგარეო საქმეთა სამინისტრო ავრცელებს.

დეტალები: საგარეოს განცხადებით, საელჩომ მოქალაქის სავარაუდო ადგილსამყოფლის შესახებ ინფორმაცია და მისი მონაცემები დაუყოვნებლივ მიაწოდა თურქეთის შესაბამის უწყებებს.

  • "თურქეთის მხარის ინფორმაციით, ამ ეტაპზე, ადგილზე მიმდინარეობს გაწმენდითი სამუშაოები, რასაც ართულებს დანგრეული შენობის დიდი მოცულობა";
  • "საელჩო მუდმივ რეჟიმში ხაზზეა თურქეთის სამაშველო სამსახურის წარმომადგენლებთან, საქართველოს მოქალაქის შესახებ დამატებითი ინფორმაციის მიღების მიზნით", — ვკითხულობთ განცხადებაში.

რატომ არის მნიშვნელოვანი: თურქეთში მიწისძვრა 6 თებერვალს, გვიან ღამით, ადგილობრივი დროით დილის 4 საათზე, ნურდაგიდან 23 კილომეტრში 7,8 მაგნიტუდის სიმძლავრის მიწისძვრა მოხდა.

  • გამთენიისას მომხდარ მიწისძვრას 40-ზე მეტი ბიძგი მოჰყვა, რომელთაგან ყველაზე ძლიერი 6,6 მაგნიტუდის იყო.
  • შუადღის შემდეგ კი, ეპიცენტრში კიდევ ერთი — 7,6 მაგნიტუდის მიწისძვრა დაფიქსირდა.
  • სამძებრო-სამაშველო სამუშაოები ამ დრომდე გრძელდება, რის გამოც, სავარაუდოდ, დაღუპულთა და დაშავებულთა რაოდენობის ზრდაა მოსალოდნელი.

ბოლო მონაცემებით, თურქეთში დამანგრეველ მიწისძვრას საქართველოს ორი მოქალაქე ემსხვერპლა.

  • საგარეოს განცხადებით, საელჩოს მიმართა ასზე მეტმა საქართველოს მოქალაქემ.
  • უწყების განმარტებით, განსაკუთრებით რთული იყო 20-მდე მოქალაქის შემთხვევა — "აქედან, 14 მოქალაქის ადგილსამყოფელი, ამ ეტაპზე, დადგენილია. შედგა მათთან კომუნიკაცია. მათ სიცოცხლეს საფრთხე არ ემუქრება, ხოლო 6 მოქალაქის ადგილსამყოფელის დადგენაზე მუშაობა ამ დრომდე გრძელდება".