საზოგადოების ნაწილი Birja Mafia-ს წევრების დაკავებას აპროტესტებს და პროკურატურას, მთავრობასა და პრეზიდენტს მანიფესტით მიმართავს:

"გაათავისუფლეთ "ბირჟა მაფიის" წევრები!

მოგეხსენებათ, რომ საქართველო დემოკრატიული ქვეყნის სტატუსს ინარჩუნებს, რაც პირდაპირ კავშირშია სიტყვის გამოხატვის თავისუფლებასთან. ამ უწყინარი ვიდეო კლიპით, "ბირჟა მაფიის" წევრებმა თავიანთი სათქმელი თქვეს.

მიგვაჩნია, რომ ქმედება, რომელიც განხორციელდა მათ წინააღმდეგ და სასჯელი, რომელიც მათ ემუქრებათ (თავისუფლების 20 წლამდე ან სამუდამო აღკვეთა) უსამართლო და შეუსაბამოა, ყოველგვარ აზრსა და ლოგიკასაა მოკლებული.

გარდა ამისა სხვა საკითხია ის, რაც შინაგან საქმეთა სამინისტრომ განაცხადა. ვითხოვთ დეტალურ გამოძიებას, რადგან მიგვაჩნია, რომ აღნიშნული რაოდენობის "მდმა" არც კი ეკუთვნოდათ მიშკა მგალობლიშვილსა და გიორგი ქებურიას.

გთხოვთ გაითვალისწინოთ ზემოთ აღნიშნული, გაეცნოთ საქმის დეტალებს და გაათავისუფლოთ "ბირჟა მაფიის" წევრები.

შსს-მ Birja Mafia-ს წევრები MDMA-ის შეძენა-შენახვის ბრალდებით გუშინ დააკავა. რეპერების ოჯახის წევრების ვარაუდით, Birja Mafia-ს წევრები კლიპის შინაარსის გამო დააკავეს. ცოტა ხნის წინ, სასამართლომ Birja Mafia-ს ერთ წევრს, მიშკა მგალობლიშვილს, წინასწარი პატიმრობა შეუფარდა. გიორგი ქებურიას პროცესი საქალაქო სასამართლოში ამ წუთებში მიმდინარეობს.