საქართველოს სტატისტიკის ეროვნული სამსახურის მონაცემებით, 2017 წლის პირველ კვარტალში, სოფლის მეურნეობაში პირდაპირი უცხოური ინვესტიცია საერთოდ არ განხორციელებულა.

2016 წელს, იმავე პერიოდში ეს მაჩვენებელი სამი მილიონი აშშ დოლარი იყო. რაც შეეხება ეკონომიკის იმ სექტორს, სადაც ყველაზე მეტი უცხოური ინვესტიცია ჩაიდო, ეს არის ტრანსპორტი და კავშირგაბმულობა 141 მილიონი აშშ დოლარით.

საქსტატის აღნიშნული მონაცემების პარალელურად, ქართული ოცნება მოითხოვს, კონსტიტუციაში ჩანაწერის გაკეთებას, რომლის მიხედვით, სასოფლო-სამეურნეო დანიშნულების მიწის გასხვისება არ იქნება შესაძლებელი იმ პირზე, ვისაც არ გააჩნია საქართველოს მოქალაქეობა.