ამის შესახებ რუსული პროპაგანდისტული და სახელმწიფო მედიები იუწყებიან. მედია, TACC იუწყება.

რატომ არის მნიშვნელოვანი: უკრაინაში შეჭრის შემდეგ, რუსეთი მსოფლიო იზოლაციაში მოექცა.

  • ქვეყანა არაერთმა ცნობილმა ბრენდმა დატოვა, მათ შორის არიან ტექნიკის თუ ტანსაცმლის მწარმოებლები, საყოველთაოდ ცნობილი კვების ობიექტები, სხვადასხვა სერვისები და ა.შ.
  • რუსული ბაზრიდან გავიდნენ ისეთი, მსხვილი კინოკომპანიები, როგორიცაა Walt Disney, Warner Bros, Sony Pictures და Universal Pictures.

დეტალები: იზოლირებულ რუსეთში ჰარი პოტერზე გადაღებული ფილმები რუსული ონლაინ კინოთეატრების, Amediateka-სა და Kinopoisk-ის ბიბლიოთეკებიდან წაიშლება.

  • Amediateka-ს პრესსამსახურმა დაადასტურა, რომ როგორც დაგეგმილი იყო, კომპანიას სალიცენზიო უფლებების ვადა შეუწყდა.
  • Kinopoisk ონლაინ კინოთეატრში გამოჩნდა გაფრთხილება, რომ ჰარი პოტერის ნახვა მსურველებს 31 იანვრამდე შეეძლებათ.
  • ამასთანავე, გაყიდვიდან ამოღებულია ჰარი პოტერის წიგნის ელექტრონული ვერსიები.