ჯეოჰოსპიტალსის საგარეჯოს კლინიკაში სროლისას დაჭრილი 3 ადამიანი განაგრძობს მკურნალობას.

რა მოხდა: გვიან ღამით საცხოვრებელი კორპუსის ერთ-ერთი ბინის აივნიდან თავდამსხმელმა რამდენჯერმე ისროლა, შედეგად დაიღუპა 5 ადამიანი, მათ შორის, პოლიციელი — დაჭრილია 5 პირი.

  • თავდამსხმელმა, სავარაუდოდ, თავი მოიკლა.
  • თავდამსხმელი 1974 წელს დაბადებული ნ.ა ყოფილი სამხედროა, რომელმაც სამხედრო სამსახური 2021 წელს დატოვა.
  • გამოძიება სსსკ-ის 109-ე და 236-ე მუხლებით მიმდინარეობს, რაც დამამძიმებელ გარემოებაში ჩადენილ განზრახ მკვლელობას და ცეცხლსასროლი იარაღის უკანონო შეძენა/შენახვა/ტარებას გულისხმობს.

დეტალები: როგორც ჯეოჰოსპიტალსის კლიიკაში აცხადებენ, 2-ის მდგომარეობა სტაბილურია და ქირურგიულ პალატაში განაგრძობენ მკურნალობას.

  • დაჭრილი 24 წლის კაცის მდგომარეობა კი დასტაბილურდა, თუმცა კრიტიკულ მდგომარეობაში რჩება.
  • "1 პაციენტი, რომელიც არასტაბილური ჰემოდინამიკით მართვით სუნთქვაზე კრიტიკული მედიცინის დეპარტამენტში განაგრძობდა მკურნალობდა, ამ ეტაპისთვის შედარებით დასტაბილურებულია, თუმცა რჩება ისევ კრიტიკულ მდგომარეობაში", - ამბობს კლინიკის დირექტორი ფორმულასთან.

რაც შეეხება თბილისში გადმოყვანილ მოქალაქეს, პაციენტს კლინიკიდან, სავარაუდოდ, დღეს გაწერენ.

  • "პაციენტის მდგომარეობა სტაბილურია. დღეს ერთ საათში ბინაზე გაეწერება მედიკამენტოზურ მკურნალობაზე. ამ ეტაპზე საჭიროა დაკვირვება“, – განუცხადეს კავკასიის მედიცინის ცენტრში საზოგადოებრივ მაუწყებელს.