ამის შესახებ კრისტიან ლინდნერმა BBC-სთან ისაუბრა.

რატომ არის მნიშვნელოვანი: ენერგო ტერორი რუსეთის ერთ-ერთი იარაღია უკრაინის და მის მხარდამჭერ ქვეყნებთან წინააღმდეგ ბრძოლაში.

  • უკრაინაში შეჭრის შემდეგ, რუსეთმა ევროპისკენ მიმავალი გაზი გათიშა.
  • გერმანიას გაზის დაახლოებით ნახევარი და ნავთობის მესამედზე მეტი რუსეთიდან შემოჰქონდა, ქვეყანამ რუსული ნავთობის იმპორტი წლის დასაწყისში შეაჩერა.
  • გერმანიის ფინანსთა მინისტრის განცხადებით, ქვეყანამ ენერგეტიკული ინფრასტრუქტურის სრული დივერსიფიკაცია მოახდინა რუსეთის უკრაინაში შეჭრის შემდეგ.

დეტალები: ლინდნერის განცხადებით, გერმანიამ ენერგიის ახალი წყაროები იპოვა.

  • "დიახ, რა თქმა უნდა, გერმანია კვლავ არის დამოკიდებული ენერგიის იმპორტზე, მაგრამ არა რუსულ იმპორტზე არამედ გლობალურ ბაზრებზე", — თქვა მან.
  • ქვეყანამ ხელახლა გახსნა ქვანახშირზე მომუშავე ელექტროსადგურები, გადადო სამი დარჩენილი ატომური ელექტროსადგურის დახურვის გეგმები და გაზარდა ბუნებრივი აირის შენახვის შესაძლებლობები.
  • გერმანიაში თხევადი ბუნებრივი აირის ახალი ტერმინალი რეკორდულად მცირე დროში, 8 თვეში აშენდა.
  • მინისტრის თქმით, დაგეგმილია სხვა ინფრასტრუქტურული ინვესტიციებიც.
  • "ჩვენ გავიგეთ, რომ უნდა გავაძლიეროთ ჩვენი კონკურენტუნარიანობა კანცლერ [ანგელა] მერკელის ეპოქის შემდეგ. ეს ეპოქა იყო ორიენტირებული წარსულის ძლიერ მხარეებზე და ახლა ჩვენ ვავითარებთ მომავლის ძლიერ მხარეებს," — თქვა მან.