ზუსტად ვიცით, ანიმეს მოყვარულები ამ სიახლეს სულმოუთქმელად ელოდნენ: ყველა დროის ერთ-ერთი საუკეთესო ანიმეს, Attack On Titan-ის ფინალური სეზონის პირველი ტრეილერი უკვე გამოვიდა.

მიუხედავად იმისა, რომ 30-წამიანი ტრეილერი ახალი სეზონის შინაარსზე კონკრეტულ დეტალებს არ გვიმხელს, პრემიერის თარიღი მაინც გავიგეთ! როგორც ჩანს, ბოლო სეზონი წინას მსგავსად ორ ნაწილად იქნება გაყოფილი: პირველი ნაწილის პრემიერა 3 მარტს შედგება, მეორე ნაწილს კი წლის ბოლომდე ვნახავთ.

Attack On Titan-ის მე-4 სეზონი 2022 წლის აპრილში დასრულდა. პირველი სამი სეზონის ანიმაციაზე Wit Studio მუშაობდა, მომდევნო სეზონებზე კი — Mappa.

ჰაჯიმე ისაიამას მანგას მიხედვით შექმნილი ანიმე მაყურებელმა პირველად 10 წლის წინ იხილა. როგორც ჩანს, ჩვენი 10-წლიანი მოგზაურობა ერენთან, მიკასასთან, არმინთან და სხვა საყვარელ პერსონაჟებთან ერთად დასასრულს უახლოვდება.