უკრაინის თავდაცვის სამინისტროს მთავარი სადაზვერვო სამმართველოს განცხადებით, პუტინი რუსული ჯარების სარდლისგან, ვალერი გერასიმოვისგან მოითხოვს, რომ დონბასი 2023 წლის მარტამდე დაიპყრონ.

რატომ არის მნიშვნელოვანი: დონბასი, რომელიც დონეცკისა და ლუგანსკის ოლქებისგან შედგება, რუსული ძალებისთვის პრიორიტეტულია.

  • უკრაინაში სრულმასშტაბიანი შეჭრის შემდეგ, რუსულმა ძალებმა თითქმის მთელი ლუგანსკის ოლქი დაიპყრეს, მათ შორის საპორტო ქალაქი მარიუპოლი.

  • 1 ოქტომბერს უკრაინელმა სამხედროებმა დონეცკის ოლქის ჩრდილოეთით მდებარე სტრატეგიული ქალაქი, ლიმანი გაათავისუფლეს, რის შემდეგაც ლუგანსკის ოლქში უკრაინას წინსვლა აქვს.

დეტალები: 11 იანვარს, რუსეთის თავდაცვის მინისტრმა სერგეი შოიგუმ გენერალი ვალერი გერასიმოვი უკრაინაში ქვეყნის შეიარაღებული ძალების გაერთიანებული ჯგუფის მეთაურად დანიშნა.

  • პენტაგონის შეფასებით, რუსეთის თავდაცვის სამინისტროს გადაწყვეტილება, რომ სუროვიკინი გერასიმოვით ჩაენაცვლებინა, უკრაინასთან ომში მოსკოვის სისტემურ გამოწვევებზე მიუთითებს.