რუსმა ოკუპანტებმა ისევ დასახლებები დაბომბეს, რის შედეგადაც დნიპროში მაღალსართულიანი საცხოვრებელი კორპუსი დაზიანდა.

რატომ არის მნიშვნელოვანი: რუსების მორიგ სამხედრო დანაშაულს 21 ადამიანის სიცოცხლე ემსხვერპლა, მათგან 1 ბავშვია.

  • უკრაინის საგანგებო სიტუაციების სამსახურის ინფორმაციით, დაჭრილია 73 ადამიანი, მათ შორის, 14 ბავშვი.
  • მაშველებმა ნანგრევებიდან 38 ადამიანის გადარჩენა შეძლეს.
  • ქალაქში 3-დღიანი გლოვა გამოცხადდა.

დეტალები: სამხედრო ადმინისტრაციის უფროსი აცხადებს, რომ 40-ზე მეტი დაშავებული საავადმყოფოში გადაიყვანეს, 4 რეანიმაციაშია.

  • ამ დრომდე უცნობია 40 ადამიანის ბედი, მათ ნანგრევებში ეძებენ.
  • საგანგებო სამსახური განმარტავს, რომ ადგილზე რამდენიმე უმნიშვნელო ხანძრის კერა გაჩნდა, რომელსაც აქრობენ და სამაშველო ოპერაციას აგრძელებენ.
  • გუშინ ღამით მაშველებმა შეძლეს და გაადაარჩინეს გოგო, რომელიც დაბომბვის შემდეგ მე-6 და მე-7 სართულს შორის მოყვა.