ინფორმაციას საერთაშორისო მედიები ავრცელებენ.

რატომ არის მნიშვნელოვანი: აკბარ ჰაშიმის შვილი ფაეზეჰ ჰაშიმი ირანის მოქმედი რეჟიმის მოწინააღმდეგეა.

  • ის ჯერ კიდევ 2012 წელს დააპატიმრეს "ანტისამთავრობო პროპაგანდისთვის" და პოლიტიკური მოღვაწეობა აუკრძალეს.

დეტალები: ირანის სახელმწიფო მედიები წერდნენ, რომ 2022 წლის სექტემბერში, ის კიდევ ერთხელ დააპატიმრეს თეირანში გამართულ საპროტესტო აქციაზე, როცა 22 წლის ირანელი ქალის, მაჰსა ამინის დაღუპვას აპროტესტებდა.

  • ადვოკატის განმარტებით, მას 5 წლით თავისუფლების აღკვეთა მიესაჯა, მაგრამ სასჯელი საბოლოო არ არის.
  • უფლებადამცველმა ჰაშემის წინააღმდეგ წაყენებული ბრალდების დეტალები არ დააკონკრეტა.
  • თუმცა, სახელმწიფო მედიების ინფორმაციით, შარშან დაკავებისას თეირანის პროკურორმა მას ბრალი "სისტემის წინააღმდეგ პროპაგანდისთვის" წაუყენა.