მე-15 მცდელობაზე წარმომადგენელთა პალატის სპიკერი აირჩიეს
![](http://chandler.on.ge/2023/01/07/Capture.jpg)
ფოტო: Jim Lo Scalzo/EPA
გვიან ღამით დრამატული კენჭისყრისა და 14 წარუმატებელი მცდელობის შემდეგ, კალიფორნიის წარმომადგენელმა, კევინ მაკარტიმ გამარჯვება შეძლო.
რატომ არის მნიშვნელოვანი: სპიკერის პოსტი გავლენიანი და მნიშვნელოვანი თანამდებობაა, რომელიც ადგენს პალატის დღის წესრიგს და აკონტროლებს საკანონმდებლო საქმიანობას.
- სპიკერი მეორეა პრეზიდენტობისთვის რიგში, ვიცე-პრეზიდენტის შემდეგ.
- აქამდე, ბოლო 2 ათწლეულის განმავლობაში წარმომადგენელთა პალატას ნენსი პელოსი ხელმძღვანელობდა, რომელმაც განაცხადა, რომ იანვარში თანამდებობას დატოვებდა.
- არჩევნების შედეგების შესაბამისად, პალატაზე კონტროლი რესპუბლიკელებმა აიღეს და პელოსი არ აპირებდა უმცირესობის ლიდერის როლის შესრულებას.
- მან განაცხადა, რომ დროა, ადგილი ახალგაზრდა თაობას დაუთმონ.
დეტალები: საერთაშორისო მედიები წერენ, რომ ბოლო სესია დაძაბული იყო და ყვირილის ფონზე მიმდინარეობდა, ერთ-ერთი რესპუბლიკელი დეპუტატი კი კოლეგამ ფიზიკურადაც შეაკავა.
- The Guardian ხაზს უსვამს, რომ ეს იყო ყველაზე დაძაბული და გრძელი ბრძოლა სპიკერობისთვის 1859 წლის შემდეგ.
- კენჭისყრის საბოლოო ანგარიში იყო 216-212 — დემოკრატებმა ხმა მისცეს თავიანთ ლიდერს ჰაკიმ ჯეფრისს, 6-მა კონგრესმენმა კი არავის, სწორედ ამან დაწია ბარიერი და მისცა მაკარტის გამარჯვების საშუალება.
- სპიკერის ტრიბუნზე ასვლისას მაკარტიმ ჩაქუჩი ასწია, ორჯერ დაარტყა და იხუმრა — "ადვილი იყო, არა?" — რასაც დარბაზში სიცილი მოჰყვა.
- აშშ-ის პრეზიდენტმა, ჯო ბაიდენმა მიულოცა მაკარტის გამარჯვება და მოუწოდა რესპუბლიკური პალატის ახალ უმრავლესობას, რომ მისი ადმინისტრაცია დიდი ხნის განმავლობაში დაპირებული გამოძახებითა და გამოძიებებით "პასუხისმგებლობით მართოს".
![](http://rachel.on.ge/2023/01/07/d23c5b7b-d3ba-4db0-b73b-df9456324a08.jpg)
ფოტო: Getty Images
![](http://joey.on.ge/2023/01/07/ed00b1ae-3a5f-4a38-8cc1-4b42f15c8abf.jpg)
ფოტო: Getty Images
-
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
-
კომენტარები