ჩრდილოეთ ტეხასში ახალ წელს დაბადებული ტყუპი დები დაბადების დღეს სხვადასხვა თვეში აღნიშნავენ. ამის მიზეზი კი 6-წუთიანი შუალედია, რომლის შედეგადაც ენი 2022 წლის 31 დეკემბერს, 23:55 საათზე დაიბადა, მისი ტყუპისცალი ეფი კი — 2023 წლის პირველ იანვარს, 00:01 საათზე.

მშობლების თქმით, ისინი საავადმყოფოში 2 კვირით ადრე მივიდნენ და არ ელოდნენ, რომ ბავშვები ასე მალე დაიბადებოდნენ. თუმცა საავადმყოფოში მისულ მომავალ დედას პერსონალმა დარჩენა ურჩია.

ფოტო: Facebook

დედამ ახალშობილების ფოტო ფეისბუქზე გამოაქვეყნა და აღნიშნა, რომ ისინი ჯანმრთელები არიან და ახალ წელს ოჯახთან ერთად ხვდებიან. წყვილს ახალშობილების შეძენა ტეხასის საავადმყოფომაც მიულოცა და პატარებს ბედნიერი მომავალი უსურვა.

ეს პირველი შემთხვევა არ არის, როცა აშშ-ში ტყუპები სხვადასხვა წელს დაიბადნენ. გასულს წელს კალიფორნიაში ქალმა ტყუპები 15 წუთის დაშორებით გააჩინა, რის გამოც ერთ-ერთი 2021 წელს დაიბადა, ხოლო მეორე 2022 წელს. ადგილობრივი სამედიცინო ცენტრის ცნობით, პირველი ვაჟი დაიბადა, ხოლო ქალს გოგო 15 წუთის შემდეგ შეეძინა.