კალიფორნიაში ქალმა ტყუპები 15 წუთის დაშორებით გააჩინა, რის გამოც ერთ-ერთი 2021 წელს დაიბადა, ხოლო მეორე 2022 წელს. ადგილობრივი სამედიცინო ცენტრის ცნობით, პირველი ვაჟი დაიბადა, ხოლო ქალს გოგო 15 წუთის შემდეგ შეეძინა.

"საავადმყოფო 2022 წლის პირველ ბავშვს მიესალმება. მისი ტყუპისცალი 15 წუთით ადრე, 2021 წლის 31 დეკემბრის 23:45 საათზე, დაიბადა. რაც იმას ნიშნავს, რომ ტყუპები სხვადასხვა თვეს, დღესა და წელს მოევლინნენ სამყაროს. ამის შანსი კი ორ მილიონში მხოლოდ ერთია", — ვკითხულობთ სამედიცინო ცენტრის პოსტში.

"ჩემთვის საოცარი ამბავია, რომ ტყუპები სხვადასხვა დღეს დაიბადნენ. თან გაკვირვებული და თან ბედნიერი ვიყავი, როცა გოგო მოგვიანებით დაიბადა", — ამბობს დედა.

ეს პირველი შემთხვევა არ არის, როცა აშშ-ში ტყუპები სხვადასხვა წელს დაიბადნენ. ინდიანას შტატში ქალმა ერთ ტყუპი 2019 წლის 31 დეკემბერს გააჩინა, ხოლო მეორე ნახევარი საათის შემდეგ, როცა უკვე 2020 წელი იყო.