ინფორმაციები სხვადასხვა ტელეგრამ არხზე, უკრაინულ და რუსულ მედიებზე ვრცელდება, თუმცა ოფიციალურად არცერთი დადასტურებულა.

რატომ არის მნიშვნელოვანი: უკვე გაჩნდა ვარაუდები, რომ აფეთქებების უკან უკრაინა დგას და ასე გადაუხადეს სამაგიერო ოკუპანტებს ახალი წლის დღეს უკრაინული ქალაქების დაბომბვისთვის.

  • უცნობია, რა ტიპის აფეთქებები იყო, მაგრამ თუნდაც დივერსიით რუსეთის დედაქალაქში აფეთქების გამოწვევა, უკრაინისთვის მნიშვნელოვანი სამხედრო სვლაა.

რა მოხდა: 31 დეკემბერს რუსეთის თავდაცვის სამინისტრომ ერთგვარი "დამამშვიდებელი" განცხადება გაავრცელა, რომ მოსკოვის საჰაერო თავდაცვაზე 2 000-მდე მოსამსახურე იმორიგევებდა.

  • მათვე ხაზი გაუსვეს, რომ საახალწლო არდადეგებისა და შაბათ-კვირის პერიოდში საჰაერო თავდაცვისთვის საბრძოლო მოვალეობას ასრულებს 20 ათასი სამხედრო მოსამსახურე.

  • გვიან ღამით ტელეგრამ არხებსა და ტვიტერზე გავრცელდა დაუდასტურებელი ინფორმაცია მოსკოვში აფეთქების შესახებ, მალევე სიას დაემატა ბელგოროდი, ვორონეჟი და ომსკი.
  • ტელეგრამ არხმა ვერტიკალმა გაავრცელა ფოტო, რომელზეც წითელ მოედანზე ომონის თანამშრომლები ჩანს — გადაღების თარიღი მითითებულ არ არის და წერია, რომ ტერიტორიაზე შესვლა შეზღუდულია.

დეტალები: რაც შეეხება სხვა ქალაქებს — როსტოვში აფეთქება დადასტურდა, თუმცა მიზეზად რუსეთში ატომურ ელექტროსადგურზე სარემონტო სამუშაოებისას ტრანსფორმატორის აალებას ასახელებენ.

  • ვერტიკალმა გაავრცელა ვიდეოც, რომელიც, მათი თქმით, ომსკში აფეთქებას ასახავს — გადაღების ზუსტი დრო და თარიღი უცნობია.
  • თუმცა, აღსანიშნია, რომ უკრაინის შეიარაღებული ძალების სტრატკომმა ტელეგრამზე რუსულ ქალაქებს მიმართა, სწორედ იმათ, სადაც სავარაუდო აფეთქებებია.
  • "კურსკი, ბელგოროდი, მოსკოვი, ვორონეჟი, პეტერბურგი, მაკევკა როგორ ხართ? ხომ არ გძინავთ? პოლიტიკით ვართ დაინტერესებულები? რა ხდება სახეზე? როგორ შეგვიძლია დაგეხმაროთ?" — წერენ ისინი.