როგორც The Guardian წერს, გამოსვლა, რომელიც გადაიცემოდა რუსეთის სახელმწიფო ტელევიზიით, გადაიღეს რუსი სამხედრო მოსამსახურეების წინაშე სამხედრო ოლქის შტაბში.

რატომ არის მნიშვნელოვანი: ოკუპანტი ქვეყნის ლიდერი ფიქრობს, რომ ეს იყო რთული, თუმცა "აუცილებელი გადაწყვეტილებების" წელი.

  • თქვა, რომ რუსეთი უკრაინაში იბრძვის თავისი "სამშობლოს" დასაცავად და თავისი ხალხისთვის "ნამდვილი დამოუკიდებლობის" მისაღებად.
  • დამოუკიდებელ და სუვერენულ ქვეყანაზე, უკრაინაზე თავდასხმის შემდეგაც კი ამბობს, რომ 2022 მნიშვნელოვანი გადაწყვეტილებების წელი იყო "რუსეთის სრული სუვერენიტეტის მოპოვებისა და საზოგადოების ძლიერი კონსოლიდაციის გზაზე".
  • პუტინის მტკიცებით, "საბედისწერო მოვლენები" იქცა ეტაპად, რომელიც საფუძველს უყრის რუსების "საერთო მომავალს და მათ ნამდვილ დამოუკიდებლობას".
  • პუტინი ფიქრობს, რომ 2022-მა წელმა გამოყო სიმამაცე და გმირობა ღალატისგან და სიმხდალისგან.

დეტალები: პუტინი კვლავ საუბრობს "დასავლეთის აგრესიაზე", მიუხედავად იმისა, რომ თავად დაიწყო სრულმასშტაბიანი ომი უკრაინის წინააღმდეგ.

  • კვლავ ამტკიცებს, რომ დასავლეთი "იყენებს უკრაინას" რუსეთის დასასუსტებლად.
  • საკუთარ პროპაგანდისტულ ნარატივს ავრცელებს და კვლავ ნაცისტებზე საუბრობს, რომლებიც, მისი აზრით, უკრაინაში არიან.
  • მან ომის ახსენა, თუმცა სხვა კონტექსტში — აცხადებს, რომ დასავლეთმა რუსეთს "ნამდვილი სანქციების ომი" გამოუცხადა.

გარდა ამისა, ისაუბრა ომში მონაწილე ოკუპანტებზეც და ამტკიცებს, რომ ისინი "მშობლიური მიწისთვის" იბრძვიან.

  • მისი განცხადებით, ხელისუფლება ყველა საჭირო დახმარებას გაუწევს ბრძოლაში დაღუპული ოპერაციის მონაწილეთა ოჯახებს.
  • პუტინმა თქვა, რომ რუსებს უნდა სჯეროდეთ, რომ მათი ქვეყანა დარჩება "დიდი და დამოუკიდებელი".

უკრაინის პრეზიდენტმა, ვოლოდიმირ ზელენსკიმ კი რუსებს მიმართა და თქვა:

  • "თქვენს ლიდერს სურს აჩვენოს, რომ მას ზურგს უკან სამხედროები ჰყავს და ის წინ დგას. მაგრამ ის უბრალოდ იმალება. ის იმალება სამხედროების უკან, რაკეტების მიღმა, მისი რეზიდენციების და სასახლეების კედლებს მიღმა".

ამასთან, ტელეგრამ არხებში ვრცელდება ფოტოები და ინფორმაცია, სადაც ნათქვამია, რომ ადამიანები, ვინც პუტინის უკან დგანან, აქამდეც გამოჩენილან სხვადასხვა დროს მასთან ერთად.