ამის შესახებ რუსეთის თავდაცვის სამინისტროში განაცხადეს.

რატომ არის მნიშვნელოვანი: ახალ დანაყოფს დაევალება შეინარჩუნოს "მაღალი მორალური, პოლიტიკური და ფსიქოლოგიური მდგომარეობა რუსეთის ჯარში", — ნათქვამია თავდაცვის სამინისტროს განცხადებაში.

  • ბრიტანეთის დაზვერვის შეფასებით, რუსეთის ახალი ინიციატივის ფესვები საბჭოთა პოლიტიკურ-იდეოლოგიურ განათლებაში უნდა ვეძიოთ.

დეტალები: "წინა ხაზის შემოქმედებითი ბრიგადა" რუსეთის თავდაცვის სამინისტრომ ამ კვირაში დააანონსა.

  • რუსული გამოცემის RBC news-ის თანახმად, ბრიგადა მობილიზებულებისა და იმ "პროფესიონალი ხელოვანებისგან" დაკომპლექტდება, რომლებიც "ნებაყოფლობით შევიდნენ სამხედრო სამსახურში".
  • შემოქმედებით ბრიგადას შეუერთდებიან ოპერის მომღერლები, მსახიობები და საცირკო შემსრულებლები.
  • ინიციატივის მხარდასაჭერი კომპანიის ფარგლებში, საზოგადოებას მოუწოდებენ გადასცენ მუსიკალური ინსტრუმენტები ჯარებს.

პარალელურად, Telegram-ზე განთავსებულ ვიდეოში თავდაცვის სამინისტრომ განაცხადა, რომ შოიგუ ჯარების განლაგების ტერიტორიებზე გაფრინდა და შეამოწმა რუსული ქვედანაყოფები პოზიციები სპეციალური სამხედრო ოპერაციის ზონაში".

  • რუსეთის პროპაგანდისტული მედიების და სამთავრობო დაწესებულებების გარდა, არსად დადასტურებულა შოიგუს ფრონტის ხაზზე ვიზიტი.
  • შოიგუს სავარაუდო ვიზიტი და მუსიკოსების მობილიზაცია მას შემდეგ დაიგეგმა, რაც ბრიტანეთის თავდაცვის ოფიციალურმა წარმომადგენლებმა განაცხადეს, რომ რუსეთის არმიაში მოტივაციის და მორალის პრობლემაა.