ჯანსაღი და მავნე დანამატებისგან თავისუფალი საკვები განსაკუთრებით აქტუალური თანამედროვე სამყაროში გახდა. ადამიანთა სულ უფრო დიდი ნაწილი ცდილობს საკვების შერჩევისას მეტი ყურადღება გამოიჩინოს და არჩევანი ეკოლოგიურად სუფთა და ხარისხიან პროდუქტებზე გააკეთოს. ამ ტენდენციის ერთ-ერთი მიზეზი ჯანსაღ კვებაზე მეტი ინფორმაცია და ბაზარზე დანამატებით გაჯერებული პროდუქტების მზარდი რაოდენობაა. შესაბამისად, დღეს მეტად ვაქცევთ ყურადღებას შეფუთვაზე დატანილ წარწერებსა და მისი ხარისხის დამადასტურებელ ნიშნებს.

ჯანსაღი ცხოვრების წესის მიმდევრები უპირატესობას ორგანულ საკვებს ანიჭებენ. მათ აღსანიშნავად ხშირად ვიყენებთ ტერმინებს ეკოსა და ბიოსაც. მათში მოიაზრება ეკოლოგიურად სუფთა პროდუქტები, რომელთა წარმოებაშიც არ არის გამოყენებული ისეთი ქიმიური დანამატები, როგორებიცაა არომატიზატორები, კონსერვანტები, გემოს გამაძლიერებლები, საღებავები და ა.შ. იგულისხმება ისიც, რომ ნედლეული, რომლითაც ორგანული პროდუქტები იწარმოება სუფთა ნიადაგსა და ეკოლოგიურად სუფთა გარემოშია მოყვანილი.

ორგანულის, ეკოს ან ბიოს ეტიკეტების მისანიჭებლად პროდუქტები შეფასების საკმაოდ მკაცრ ჯაჭვს გადიან. კიდევ უფრო რთული ეს პროცესი ევროპულ ქვეყნებშია, რადგან ევროკავშირის კანონმდებლობა მწარმოებლებს განსაკუთრებით მაღალ სტანდარტებსა და მოთხოვნებს უწესებს. ახლა სწორედ ორგანულ ევროპულ პროდუქტებს გაგაცნობთ და მიგასწავლით ადგილსაც, სადაც მათ შეძენას შეძლებთ.

ორგანული პრემიუმ პროდუქცია ევროპროდუქტში

ევროპროდუქტში ორგანული პროდუქციის მრავალფეროვანი არჩევანია, თუმცა, ჩვენ მხოლოდ მათ ნაწილს გაგაცნობთ. დავიწყოთ დანიური სამეფო კარაქით — ლურპაკით, რომლის სხვადასხვა ტიპის პროდუქციაში ორგანულსაც იპოვით. ის წარმოების არც ერთ ეტაპზე არ იყენებს ქიმიურ დანამატებს. ნიადაგიც კი, რომელზეც მწარმოებელს პირუტყვის საკვები მოჰყავთ არ არის დამუშავებული ქიმიური ნივთიერებების შემცველი სასუქით. თვითონ ფერმები კი ეკოლოგიურად სუფთა გარემოში მდებარეობს.

თუკი უმსხვილესი პრემიუმ ბრენდის არლას პროდუქციასაც შეავლებთ თვალს, ორგანულ საკვებს მათ შორისაც მრავლად აღმოაჩენთ. ორგანული მაკარონების, მიუსლების, ორცხობილებისა და ჯემებისთვის Alce Nero-ს პროდუქცია უნდა მოათვალიეროთ. მაკარონების კიდევ უფრო მეტ ასორტიმენტს კი Delverde-ს განყოფილებაში იპოვით. ევროპროდუქტშივე შეძლებთ Darboven-ისა და Clipper-ის ორგანულ ყავის, Cachet-ის უგემრიელესი შოკოლადებისა და Zucci-ის ორგანული ზეთების შეძენას. გემრიელი, ჯანსაღი და ხარისხიანი ორგანული პროდუქციის სრულად სანახავად კი ეწვიეთ ევროპროდუქტის მარკეტებს ან მის ონლაინ მაღაზიას.