გამარჯვებული გამოვლინდება 2022 წლის დეკემბერში საქართველოს ჟურნალისტური ეთიკის ქარტიის საერთო კრებაზე.

რატომ არის მნიშვნელოვანი: ყოველწლიური კონკურსის მიზანია ეთიკური ჟურნალისტიკის განვითარების ხელშეწყობა და პროფესიული სტანდარტების დამკვიდრება.

  • როგორც ქარტიაში აღნიშნავენ, ჟურნალისტური პროდუქტის შერჩევის მთავარი კრიტერიუმები სწორედ პროფესიული და ეთიკური სტანდარტებია.
  • ქარტიის პრიზი 2022-ს ახალი ნომინაციები დაემატა და ჟურნალისტებთან ერთად, კონტენტის ინდივიდუალურ შემქმნელებსაც შეეძლებათ მონაწილეობა.

დეტალები: კონკურსი ექვს ნომინაციაში ცხადდება, რომელთა შორისაა: სტატია/მულტიმედია სტატია ონლაინ მედიაში;

  • სიღრმისეული ან საგამოძიებო ნამუშევარი ონლაინ ან სატელევიზიო მედიაში;
  • ფოტო/ფოტორეპორტაჟი ონლაინ ან ბეჭდურ მედიაში;
  • ბლოგი/მოსაზრება ონლაინ მედიაში;
  • დამოუკიდებელი ინდივიდუალური კონტენტი სოციალურ მედიაში;
  • ხალხის რჩეული — საუკეთესო ნამუშევარი რუსეთ-უკრაინის ომის თემატიკაზე.

საკონკურსო ნამუშევრების მიღების ბოლო ვადა 2022 წლის 15 დეკემბერის, 18 საათია.

  • გამარჯვებულებს შეარჩევს დამოუკიდებელი ჟიური.
  • ხალხის რჩეულის ნომინაციაზე კი გამარჯვებული გამოვლინდება ხმის მიცემით, დამოუკიდებელი ჟიურის მიერ შერჩეული სამი კანდიდატიდან.
  • განაცხადის შევსება შესაძლებელია აქ.

პროცედურები და შერჩევის კრიტერიუმები: მონაწილეობის მსურველებმა უნდა წარადგინონ მედია პროდუქტი, რომელიც გამოქვეყნდა 2021 წლის 30 ნოემბრიდან 2022 წლის 10 დეკემბრამდე პერიოდში.

  • საკონკურსოდ მასალის წარდგენა შეუძლია როგორც ჟურნალისტს ინდივიდუალურად, ისე მედიასაშუალებას;
  • მონაწილეობის მსურველმა უნდა წარადგინოს გამოქვეყნებული მასალის ბმული. იმ შემთხვევაში, თუ საკონკურსო ნამუშევარი ინტერნეტ სივრცეში არ მოიძებნება, კონკურსანტს შეუძლია გაგზავნოს ჩანაწერი, სტატიის შემთხვევაში კი მისი სკანირებული ან სქრინ ვერსია.
  • მონაწილეობის მსურველმა უნდა შეავსოს აპლიკაცია. დამატებითი მასალები (არსებობის შემთხვევაში) გაგზავნეთ შემდეგ ელექტრონულ მისამართზე: [email protected];
  • თითოეულ აპლიკანტს შეუძლია ერთი საკონკურსო ნაშრომის წარდგენა ერთ ნომინაციაში;
  • საკონკურსო ნაშრომი მომზადებული უნდა იყოს საქართველოს აუდიტორიისთვის.

ნამუშევრების შეფასების კრიტერიუმები: ქარტიაში განმარტავენ, რომ ნამუშევარი შერჩევისას ყურადღება მიექცევა თემის აქტუალობასა და მაღალ საზოგადოებრივ ინტერესს, ასევე:

  • თხრობის სტილსა და ტექნიკას;
  • ინფორმაციის გადმოცემის ხერხების მრავალფეროვნებას;
  • დრამატურგიასა და ვიზუალური მხარეს;
  • ინფორმაციის წყაროთა მრავალფეროვნებას;
  • ინფორმაციის სიზუსტეს;
  • ფაქტებისა და მოსაზრებების გამიჯვნას, მიუკერძოებლობას;
  • მხარეთა ბალანსს;
  • სიძულვილის ენის გამოუყენებლობას.