ხიდი ადამიანის მიერ აგებული ხელოვნური ნაგებობაა, რომელიც ოდითგანვე გამოიყენებოდა სხვადასხვა ბუნებრივი დაბრკოლების გადასალახად. შესაბამისად იქ სადაც ცივილიზაციაა და ადამიანს ხელი მიუწვდება, იქვე ერთი-ორი ხიდიც აუცილებლად მოიძებნება.

მათ შორის არის ძვირადღირებული, თანამედროვე ინჟინერიის ნამდვილი შედევრები და ფარატინა ფიცრების და თოკების ერთობა, რომელსაც რთულია საერთოდ ხიდი უწოდო.

ნახეთ 10 ყველაზე სახიფათო ხიდი მსოფლიოში:

1. გასა, ნეპალი

გასა ერთ-ერთი ყველაზე საშიში ხიდია, ის ნეპალში, სოფელ გუსში მდებარეობს. მიუხედავად იმისა, რომ ის საკმაოდ პატარა, ვიწრო და სახიფათოა, მასზე ყოველდღიურად არაერთი ადგილობრივი გადაადგილდება, რადგან სხვა გზა, უბრალოდ, არ აქვთ.

2. თოკის ხიდი, ჩრდ. ირლანდია

თოკის ხიდი, ქალაქ ანტრიმში, ჩრდ. ირლანდიაში მდებარეობს. თითქმის 21 მეტრის სიგრძის ვიწრო ბილიკი, 30 მეტრის სიმაღლეზეა გადაჭიმული და ამ რთულად გადასალახ ხიდს ასევე არაერთი ტურისტი სტუმრობს.

3. ლერწმის ხიდი, იაპონია

ლერწმის ხიდი, იაპონიაში ომის დროს ააგეს. აღსანიშნავია, რომ ეს თითქმის 10 მეტრიანი ხიდი, არცთუ საიმედო მასალისგან არის დამზადებული.

4. ხიდი ნაგარას ნაციონალურ პარკში, მალაიზია

ეს ხიდი ყველაზე გრძელი დაკიდებული ხიდია მთელს მალაიზიაში. ყოველდღიურად მას ერთი ბოლოდან მეორეზე გადასასვლელად ასობით ადგილობრივი და ტურისტი იყენებს. საქმე ისაა რომ წვიმების სეზონის დაწყებისთანავე ხიდზე გავლა თითქმის მომაკვდინებელი განაჩენის გამოტანის ტოლფასია.

5. ხიდი კაკუმის ნაციონალურ პარკში, განა

კაკუმის ნაციონალურ პარკში მდებარე ხის ხიდი, რომელიც ორ ტყის მასივს აკავშირებს და საკმაოდ საშიშადაც გამოიყურება, ისევე როგორც პარკი, თავად ხიდიც მუდმივად გადატვირთულია ადამიანებით.

6. ტრიფტაზინის ხიდი, შვეიცარია

ტრიფტაზინის ხიდი შვეიცარიაში 2004 წელს ააგეს. ის მიწიდან 110 მეტრის - სიმაღლეზე, ხოლო სიგრძეში 180 მეტრზეა გადაჭიმული. რეკონსტრუქცია ბოლოს 2009 წელს ჩაუტარდა, მაგრამ მასზე გადამსვლელებისთვის მინიმალური უსაფრთხოების ნორმები დღემდე არ არის დაცული.

7. უბადლო ხიდი, იაპონია

"უბადლო ხიდი" იაპონიაში 1950 წელს ააგეს და ის თავისი ვიწრო და არასაიმედო აგებულებით, მსოფლიოს ერთ-ერთი ყველაზე საზარელი ხიდია.

8. ნემსის ხიდი, საფრანგეთი

ზღვის დონიდან 3 800 მეტრზე გადაჭიმული ნემსის ხიდი, საფრანგეთში მდებარეობს. თუ სიმაღლის გეშინიათ, მასზე გავლა ნამდვილი ჯოჯოხეთი იქნებოდა.

9. საფეხმავლო ხიდი, პაკისტანი

პაკისტანში მდებარე საფეხმავლო ხიდი, თავისი სუსტი კონსტრუქციითა და მასზე გადებული ფარატინა ხის ნაჭრებით, ნამდვილ სათამაშოდ მოგეჩვენებათ. თუმცა, სამწუხაროდ, ის არაერთი ადამიანის მარშრუტს კვეთს, რადგან ერთი მდინარის ნაპირიდან მეორეზე გადასასვლელად, სხვა გზა უბრალოდ არ არსებობს.

10. მარინბრუკეს ხიდი, გერმანია

მარინბრუკეს ლამაზი, მაგრამ სახიფათო ხიდი, გერმანიაში, ბავარიაში მდებარეობს. ის ორი თვალუწვდენელი კლდის ერთადერთი დამაკავშირებელია და ისევე როგორც ზემოთ ჩამოთვლილ ცხრა ხიდზე გადასვლამდე, ამ შემთხვევაშიც დაფიქრება გმართებთ, შემთხვევით "ბეწვის ხიდზე" ხომ არ დადიხართ.