ამის შესახებ დროა განცხადებას ავრცელებს.

რატომ არის მნიშვნელოვანი: ქართული ოცნების წევრები, მამუკა მდინარაძე და რატი იონათამიშვილი ამბობს, რომ უკრაინაში ქართველი მებრძოლები ფულის სანაცვლოდ ერთიან ნაციონალურ მოძრაობას მიჰყავს.

  • გუშინ, 7 დეკემბერს, მამუკა მდინარაძემ იმედის ეთერში თქვა, რომ უკრაინაში საბრძოლველად წასულ ქართველებს არავინ უხსნის, რომ როცა სხვა ქვეყნის ჯარში ირიცხები, ავტომატურად კარგავ საქართველოს მოქალაქეობას.
  • მსგავსი შინაარსის განცხადება გაიმეორა ქართული ოცნების ერთ-ერთმა წევრმა რატი იონათამიშვილმა.

დეტალები: დროა აცხადებს, რომ პარტიის განცხადებას გამოეხმაურა და თქვა, რომ ქართული ოცნება მამუკა მდინარაძისა და რატი იონათამიშვილის პირით უკრაინაში ქართველ მებრძოლებს საქართველოს მოქალაქეობის ჩამორთმევით დაემუქრა.

  • პარტია ხაზს უსვამს, რომ ეს არ არის ქართული ოცნების პირველი ქმედება ქართველ მებრძოლთა წინააღმდეგ.
  • "შეგახსენებთ, რომ ქართულმა ოცნებამ რუსეთის აგრესიის წინააღმდეგ საომრად უკრაინაში მიმავალი ქართველები თვითმფრინავში არ აუშვა, უარი თქვა დაღუპულთა ჩამოსვენებისას მათ დახვედრაზე, უძნელდება დაღუპულთა ოჯახების მიმართ სამძიმრის გაცხადებაც კი", — ნათქვამია განცხადებაში.
  • დროა ამბობს, რომ ქართული ოცნება გამიზნულად ცდილობს უკრაინაში ქართველი მებრძოლების დისკრედიტაციას.
  • მათივე თქმით, ხელისუფლებას სურს, ასიამოვნოს რუსეთი და როგორმე ხალხში გმირების პოპულარობა შეამცირონ.
  • "პატრიოტიზმისა და თავისუფლების იდეით გაერთიანებული ხალხი არასდროს იქნება ქართული ოცნების მორჩილი და აუცილებლად გაათავისუფლებს ქართულ სახელმწიფოს", — წერს დროა.