ბლინკენი: რუსები ეცდებიან, იპოვონ ყალბი გამოსავალი და იტყვიან

7 Dec. 2022, 17:49

ყოველ დღე ჩვენ ვხედავთ აფეთქებებს მთელ უკრაინაში. რუსეთი ცდილობს უკრაინის ენერგეტიკული ინფრასტრუქტურა წყობიდან გამოიყვანოს. ეს არის დღევანდელი რეალობა უკრაინაში. ეს არის ის, რაც ხდება, როგორც ვთქვი, ფაქტობრივად ყოველდღე. [...]

რუსები ჩაერთნენ მიწის დატაცებაში, რათა მიეღოთ რაც შეიძლება მეტი ტერიტორია აღმოსავლეთ და სამხრეთ უკრაინაში. ახლა ესეც ვერ ხერხდება, რადგან ზაფხულის შემდეგ ვნახეთ, რომ უკრაინელები სულ უფრო ეფექტური გზებით ახორციელებენ კონტრშეტევას.

ასე რომ, ამჟამინდელი მიზანი არის ომის გადატანა უკრაინელი ხალხის მისამართით. პუტინი თავის გაბრაზებასა და ცეცხლს უკრაინელი მშვიდობიანი მოსახლეობისკენ მიმართავს. ცდილობს გაანადგუროს ენერგეტიკული ინფრასტრუქტურა, გამორთოს სითბო, წყალი, განათება, განსაკუთრებით მაშინ, როცა ზამთარი მოდის. ასე რომ, უკრაინისთვის ახლა უპირველესი გამოწვევა არის წინააღმდეგობის გაწევა და, რა თქმა უნდა, იმის გაგრძელება, რასაც აკეთებდნენ — წართმეული მიწის დაბრუნება. [...]

რუსები ეცდებიან, იპოვონ გამოსავალი, რომელიც სიყალბე იქნება. ამაში ვგულისხმობ, რომ, იტყვიან: მოდი შევწყვიტოთ ცეცხლი, მოდი უბრალოდ გავყინოთ ყველაფერი, როგორცაა, მივიღოთ გაყინული კონფლიქტი, აღარასოდეს ვილაპარაკოთ დაპყრობილ და დაკავებულ ტერიტორიებზე. დავისვენებთ, გადაიარაღებას მოვახდენთ, გადავჯგუფდებით და ხელახლა დავესხმებით თავს [უკრაინას]. ჩემი აზრით, ეს მნიშვნელოვანია.

ბოლო ამბები:

ენტონი ბლინკენი ბლინკენი: რუსები ეცდებიან, იპოვონ ყალბი გამოსავალი და იტყვიან — მივიღოთ გაყინული კონფლიქტი

კომენტარები

კვირის ტოპ-5

გირჩევთ

ახლა კითხულობენ