ევროკავშირში ფრენის დროს მგზავრები ტელეფონების გამოყენებას სრულად,"თვითმფრინავის რეჟიმის" გარეშე შეძლებენ.

რატომ არის მნიშვნელოვანი: ევროკომისიამ დაადგინა, რომ ავიაკომპანიებს შეუძლიათ თვითმფრინავებისთვის 5G ტექნოლოგიის მიწოდება.

  • ევროკავშირის წევრი ქვეყნები ვალდებულები არიან, თვითმფრინავებში 5G სიხშირის ზოლები ხელმისაწვდომი გახადონ 2023 წლის 30 ივნისამდე.

დეტალები: შედეგად, ადამიანებს შეეძლებათ ტელეფონის ყველა მახასიათებლის გამოყენება ფრენების დროს, მათ შორის ზარების განხორციელება, სოციალური მედიის გამოყენება, მუსიკისა და ვიდეო სტრიმინგი.

  • "ცა აღარ არის ზღვარი, როდესაც საქმე ეხება შესაძლებლობებს, რომლებსაც გთავაზობთ სუპერ სწრაფი, მაღალი სიმძლავრის კავშირი", — განაცხადა ტიერი ბრეტონმა, ევროკავშირის კომისარმა შიდა ბაზრის საკითხებში.

ამასთანავე, ევროკომისიამ 2008 წლიდან გამოყო თვითმფრინავებისთვის სპეციალური ხაზი, რომელიც ფრენისას ინტერნეტის გამოყენების საშუალებას იძლეოდა.

  • ეს კავშირი თვითმფრინავსა და მიწას შორის არსებულ სატელიტზე იყო დამოკიდებული და ნელა მუშაობდა.
  • ახალი სისტემა ჩამოტვირთვის ბევრად სწრაფ სიჩქარეს იძლევა და მობილური ქსელისთვის 100 Mbps-ზე მეტია.

კონტექსტი: თვითმფრინავის რეჟიმი ისტორიულად მნიშვნელოვანი იმის გამო იყო, რომ არ იცოდნენ, თუ როგორ მოქმედებდა მობილური მოწყობილობები თვითმფრინავებზე.

  • დიდი ბრიტანეთის ფრენების უსაფრთხოების კომიტეტის აღმასრულებელმა დირექტორის, დაი უიტინგემის შეფასებით, დღეს ეს რისკები მინიმუმამდეა შემცირებული.
  • 5G ქსელი უფრო მაღალი სიხშირის დიაპაზონში იმუშავებს და შესაბამისად, ხელს არ შეუშლის თვითმფრინავების სისტემებს.