90 ხმით ერთის წინააღმდეგ, პარლამენტმა მხარი დაუჭირა საზოგადოებრივი მაუწყებლის სამეურვეო საბჭოს წევრის-მეურვის კანდიდატურის შესარჩევი საპარლამენტო-საკონკურსო კომისიის შემადგენლობის დამტკიცების შესახებ დადგენილების პროექტს. პროექტი დეპუტატებს პარლამენტის თავმჯდომარემ, ირაკლი კობახიძემ გააცნო.

კობახიძის განცხადებით, დადგენილება მიღებისთანავე ამოქმედდება.

საზოგადოებრივი მაუწყებლის სამეურვეო საბჭოს წევრობის მეურვეობის კანდიდატის შესარჩევი საპარლამენტო-საკონკურსო კომისიის შემადგენლობაში არიან:

  • გალუმაშვილი სოსო - საზოგადოებასთან ურთიერთობის კონსულტანტი, პიარ-სააგენტო "ჯეპრას" დამფუძნებელი და ხელმძღვანელი, ქართულ-ამერიკული უნივერსიტეტის პიარ სკოლის დამფუძნებელი და ლექტორი;
  • თვალაძე თინათინ - ბლოგერი;
  • მხეიძე ზურაბ - ფსიქოლოგი;
  • რუხაძე თინათინ - მოსწავლე ახალგაზრდობის ეროვნული სასახლის დირექტორი;
  • სტეფანიანი არნოლდ - არასამთავრობო ორგანიზაცია "მრავალეროვანი საქართველოს" თავმჯდომარე;
  • ტატიშვილი ოთარ - ექიმი და ტელეწამყვანი;
  • ფოცხიშვილი ბასა - რეჟისორი, "სტუდია 1 2 3"-ის დამფუძნებელი;
  • შიდაშვილი მარინე - თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის პროფესორი;
  • ჯოლოგუა თამაზ - თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის ჟურნალისტიკის მიმართულების ასოცირებული პროფესორი.