კობახიძე: როდესაც ადამიანი ცდილობს პიარული კამპანიით საკუთარი თავის გათავისუფლებას მიუღებელია

1 Dec. 2022, 13:20

პიარული კამპანია, რომლის მიზანია გააჩინონ თანაგრძნობა კონკრეტული პატიმრის მიმართ და საბოლოო ჯამში უზრუნველყონ ამ პატიმრის რაღაც ფორმით გათავისუფლება იმისათვის, რომ ქვეყანაში არიონ მდგომარეობა. მათ დააანონსეს ცხელი შემოდგომა, თუმცა ამას ვერ მიაღწიეს და ახლა აქვთ ბოლო იმედი მიხეილ სააკაშვილის გათავისუფლების სახით და მათ აქვთ ეს განზრახვა, რომ სააკაშვილის გათავისუფლებით ხელი შეუწყონ ქვეყანაში პოლიტიკური ვითარების არევას, რაც არ შედის, ბუნებრივია ჩვენი ქვეყნის ინტერესებში.

ვერავითარი ლობისტური კამპანიით ჩვენ და ვერც საზოგადოებას ისინი ვერ დაარწმუნებენ იმაში, რომ ეს ადამიანი არ არის დამნაშავე, მეორე, რომ მისი გათავისუფლება არის მიზანშეწონილი. ამას არ სჭირდება არც პიარი და არც პოლიტიკური კამპანია. ამას სჭირდება სამედიცინო დასკვნა და დიაგნოზი. ამის მაგივრად ისინი არიან დაკავებულები პიარული კამპანიით, ნაცვლად იმისა, რომ წარუდგინონ ხალხს დიაგნოზი. ამას არ აკეთებენ, ამის მაგივრად აქვთ პიარკამპანიები, რაც არის აბსოლიტირად მიუღებელი. როცა საქმე ეხება პატიმრის უფლებების დაცვას, ეს არის, რა თქმა უნდა, სახელმწიფოს პასუხისმგებლობა, შესაბამისი უფლებების პასუხისმგებლობა, მაგრამ როდესაც ადამიანი ცდილობს თვითდაზიანებით, პიარული კამპანიით საკუთარი თავის გათავისუფლების უზრუნველყოფას, ეს არის მიუღებელი. [...]

პირველი, რაც შეეხება თავად ორგანიზაცია ემპათიას ის პირდაპირ არის ნაცმოძრაობასთან დაკავშირებული, რასაც მისი ხელმძღვანელი არასდროს მალავდა. აქედან გამომდინარე, სანდოობა არის ნულის ტოლი, მიკერძოებულია ჩვეულებრივად ეს ორგანიზაცია, ეს ერთი. მეორე, რაც შეეხება დიაგნოზს, აქ მარტივად უნდა ითქვას, რა კონკრეტული დაავადებაა ისეთი, რომელიც უნდა იწვევდეს პატიმრის განთავისუფლებას, რაც სხვა პატიმრებს არ აქვთ. თვითონ ჩამონათვალს რაც შეეხება, ასეთი ჩამონათვალი შეიძლება ჰქონდეს ნებისმიერ პატიმარს თუ არა პატიმარს. ანუ გარკვეული ტიპის გადახრები, სამედიცინო ჩვენებები, პრაქტიკულად ყველას აღენიშნება. ამიტომ, ასეთი ჩამონათვალი არაფერს არ ნიშნავს თავისთავად.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

სააკაშვილი წერს, რომ ღარიბაშვილს ციხეში მოწამვლისა და შესაძლო ლიკვიდაციის ეშინია