თურქეთის თავდაცვის სამინისტროს განცხადებით, თავდასხმა 20 ნოემბერს, დილით განხორციელდა.

რატომ არის მნიშვნელოვანი: უწყება მიუთითებს, რომ ეს ბაზები თურქეთზე თავდასხმებისთვის გამოიყენებოდა.

  • თურქეთის მთავრობა 13 ნოემბერს სტამბოლში, ისტიკლალის გამზირზე მომხდარ აფეთქებაში ქურთისტანის მუშათა პარტიასა (PKK) და სირიის სახალხო დაცვის ქვედანაყოფებს (YPG) ადანაშაულებს.
  • აფეთქების შედეგად 6 ადამიანი დაიღუპა, ხოლო 80-ზე მეტი დაშავდა.
  • პასუხისმგებლობა არცერთ დაჯგუფებას არ აუღია, ხოლო PKK-მ და YPG-მა მონაწილეობა უარყვეს.

დეტალები: უწყების თანახმად, იერიშების სამიზნე სწორედ ქურთისტანის მუშათა პარტიისა სირიაში სახალხო დაცვის ქვედანაყოფების ბაზები იყო.

  • ქურთების ხელმძღვანელობით, სირიის დემოკრატიულმა ძალებმა (SDF) გუშინ, 19 ნოემბერს, გვიან განაცხადეს, რომ თურქეთის ავიაციამ ჩრდილოეთ სირიაში იძულებით გადაადგილებული ხალხით დასახლებული ორი სოფელი დაბომბა.