პრეზიდენტის საპარლამენტო მდივანი, ანა დოლიძე მიიჩნევს, რომ ე.წ. ციანიდის საქმის განხილვაზე ომბუდსმენის არ დაშვებით, სახალხო დამცველი კონსტიტუციური უფლება დაირღვა.

"სახალხო დამცველი კონსტიტუციური ვალდებულებაა, რომ დაიცვას მოქალაქეთა უფლებები, აქედან გამომდინარე მას აქვს ძალიან მნიშვნელოვანი უფლებები. როცა სასამართლო სხდომაზე ირღვევა სახალხო დამცველის უფლება, ეს ძალიან სერიოზულ კითხვას აჩენს, კონკრეტულად ამ საქმესთან დაკავშირებით, ისევე, როგორც სასამართლო ხელისუფლების მუშაობის საჯაროობასთან და გამჭვირვალობასთან დაკავშირებით", - განაცხადა ანა დოლიძემ.

19 მაისს, სასამართლოში მამალაძის საქმის განხილვა სრულად დაიხურა. სახალხო დამცველმა კი სასამართლო სხდომაზე დასწრებისა და მონიტორინგის განხორციელების სურვილი დღეს გამოთქვა.